Fundargerðir 2024-2025

1. fundur Lambdadeildar starfsárið 2024-2025

23. september í Melaskóla

Kynning á nýrri stjórn

- Björg Melsted, formaður

- Sigríður Ólafsdóttir, varaformaður

- Alla Dóra Smith, ritari

- Jóhanna Guðrún Ólafsdóttir, gjaldkeri

- Ólafía Guðmundsdóttir, meðstjórnandi

Nokkrar félagskonur höfðu afboðað sig og sendu kveðju.

Björg ætlar að prenta út skrá með upplýsingum um félagskonur og kemur með þær

upplýsingar á næsta fund. Hún mun einnig kalla eftir myndum af félagsmönnum

Hvetjum félagskonur til að kynna sér heimasíðuna vel og hafa samband ef þær eru ekki með lykilorð sem þarf til að komast inn á félagatalið.

Ákveðið var að auglýsa félagsfundi bæði á facebook síðu og í tölvupósti.

Ákveðið var að félagsfundir yrðu ekki alltaf á sama vikudegi.

Næsti fundur verður 29. október og jólafundur verður 27. nóvember.

Ákveðið var að allir fundir væru kl. 17:30-19:00 nema annað sé tilgreint.

Fundur ákvað að framvegis yrðu fundargerðir ekki lesnar í heild sinni í upphafi funda, aðeins þær

ákvarðanir sem teknar hefðu verið, en þær yrðu settar inn á heimasíðu félagsins, þar

sem félagskonur gætu nálgast þær.

Útgáfa afmælisrits verður gefið út í tilefni 50 ára afmælis landssambandsins.

Deildin mun bjóða Árnýju Elíasdóttur landsforseta í heimsókn á félagsfund í vetur.

Rithöfundur mun koma og lesa upp á jólafundi eins og verið hefur.

Gerður Magnúsdóttir var með Orð til umhugsunar.

Hugmyndir frá félagskonum um þema vetrarins:

- Læsi í víðum skilningi, þar með talið menningarlæsi

- Fá fyrirlestur um m.a. gervigreind og loftslagsmál,

- Fyrirlestur frá félagasamtökum sem vinna í þágu kvenna.

- Konur í deildinni kynni námskeið, ráðstefnur eða eigin ritgerðir

- Fyrirlestur um jafnvægi milli vinnu og einkalífs

- Kynning frá Miðju máls og læsis hjá Miðstöð menntunar og skólaþjónustu

- Fyrirlestur frá Pólska skólanum

- Staða barna með slaka færni í íslensku og eigin máli.

- Bjóða konum í heimsókn í samráði við formann

- Hafa tvo stærri og veglegri fundi á ári.

- Hafa bókafund í janúar, þar sem allar konur myndu segja frá einni bók, eða

bókaspjall við borðin

Fundi slitið kl. 19:00

Næsti fundur verður 29. október kl. 17:30-19:00.

Ársskýrsla Lambdadeildar 

fyrir starfsárin 2022-2023 og 2023-2024

Inngangur

Ársskýrslan tekur til tveggja starfsára, þ.e. áranna 2022 til 2023og 2023 og 2024. Á þessum tveimur starfsárum voru haldnir fimmtán félagsfundir og sex formlegir stjórnarfundir þar sem stjórnarmenn hittust og réðu ráðum sínum. Þess á milli voru þeir í samskiptum sín á milli í gegnum lokaða facebook síðu eða í gegnum samskiptaforritið messenger.

Tuttugu og fjórar konur eru skráðar í deildina. Félagsfundir voru boðaðir í gegnum samfélagsmiðilinn Facebook þar sem konur skráðu mætingu sína eða forföll. Að jafnaði mættu tíu til tólf félagskonur auk gesta. Fundir voru hefðbundnir og hófust á því að formaður setti fund með því að kveikja á kertum vináttu, trúmennsku og hjálpsemi. Á flestum fundum voru fjölbreyttar fræðslukynningar, boðið var upp á léttar veitingar og félagskonur skiptust á að vera með orð til umhugsunar. Fundir hófust ávallt kl.17 og stóðu í eina og hálfa klukkustund. Eftir formleg fundaslit gafst félagskonum tækifæri til að spjalla saman að vild.

Starfsárið 2022 til 2023

Ný stjórn var kosin til tveggja ára á aðalfundi sem haldinn var á Menntavísindasviði í  maí 2022. Björg Melsted og Steingerður Kristjánsdóttir komu nýjar inn í stjórn. Stjórnin skipti með sér verkum á eftirfarandi hátt: Sigurborg Kristjánsdóttir tók að sér formennsku, Björg Melsted og Ólafía Guðmundsdóttir meðstjórnendur, Steingerður Kristjánsdóttir ritari og Iðunn Antonsdóttir hélt áfram sem gjaldkeri deildarinnar.  

Á fyrsta stjórnarfundinum sem haldinn var í lok ágúst 2022 var rætt um að skerpa á fundarsköpum, fjölga félagskonum og lagt til að þema vetrarins væri „þróun og breytingar á kennarastarfinu“ sem var samþykkt af félagskonum á fyrsta félagsfundi. Fundir á starfsárinu 2022 til 2023 urðu átta í heildina.

Gerður Magnúsdóttir byrjaði á að bjóða okkur til sín í leikskólann Sólhvörf þar sem hún kynnti mastersrannsókn sína sem ber heitið „Milli stúdentsprófs og heimsreisu“.

Á næsta fundi heimsóttu félagskonur mennta og barnamálaráðuneytið þar sem Óskar H. Nielsson kynnti nýtt skipulag ráðuneytisins ásamt menntastefnu til 2030 en þess má geta að Óskar er eiginmaður Gerðar Magnúsdóttur félagskonu í Lambdadeild.

Á þriðja fundi bauð Þorgerður Anna Arnardóttir félagskonum til sín í Urriðaskóla. Páll Ólafsson framkvæmdarstjóri farsældarsviðs barna- og fjölskyldustofu kom og kynnti hlutverk hennar og samþætta þjónustu í þágu farsældar barna í samræmi við nýju farsældarlögin.

Jólafundurinn var síðan haldinn hjá Sigurborgu Kristjánsdóttur þar sem Guðrún Frímansdóttir sagði frá tilurð bókarinnar Elspu og las kafla úr henni.

Á nýju ári hittumst við í Hamraskóla þar sem Anna Bergsdóttir tók á móti félagskonum og kynnti sögu skólans og leiðsagnarnám en Hamraskóli er einn af fjórum þekkingarskólum leiðsagnarnáms í Reykjavík.

Í febrúar 2023 bauð Hólmfríður Sveinsdóttir okkur í  Þorrasel sem er dagvistun aldraðra. Hólmfríður sýndi okkur og sagði frá starfsemi Þorrasels. Þórunn Sveinbjörnsdóttir formaður félags eldriborgara kom á fundinn og fræddi félagskonur um hvað tekur við þegar ævistarfinu lýkur.

Í mars var inntökufundur nýrra félagskvenna haldinn á Menntavísindasviði, þar sem fjórar nýjar félagskonur gengu til liðs við deildina, þær Sigríður Ólafsdóttir, Hulda Egilsdóttir, Stella Hermannsdóttir og Þorgerður Anna Arnardóttir. Ragnhildur Ólafsdóttir leikskólastjóri var einnig með kynningu á mastersrannsókn  sinni um jafningjastjórnun. 

Lokafundur starfsársins var með óhefðbundu sniði og farið var í sögugöngu um Öskjuhlíðina, þar sem Helgi Máni Sigurðsson sagði frá fjölbreyttri náttúru ásamt söguminjum. Að lokinni göngu borðuðu félagskonur saman á veitingarstaðnum Nauthól.

Starfsárið 2023 til 2024

Fyrsti fundur var haldinn í september á Menntavísindasviði HÍ. Þar var hugarflug um efnistök, fundardaga og tímasetningu. Ákveðið var að hafa sjö fundi yfir veturinn sem röðuðust á mánudaga, þriðjudaga og miðvikudaga, fundir byrjuðu almennt klukkan fimm og stóðu í einn og hálfan tíma. Þá var einnig rætt um að fjölga konum í deildinni, huga að fjölbreytileikanum og konur hvattar til að taka með sér gesti á fundi.

Annar fundur var haldinn í Menntaskólanum í Borgarnesi með systrum í DELTA deild þar sem námsverið KVIKA var skoðað og Heiðrún Bjarnadóttir prestur Borgnesinga var með innlegg. Í kjölfarið snæddu konur saman í Menntaskólanum.

Í desember áttum við góða samveru á jólafundurinn hjá Sigurborgu Kristjánsdóttur þar sem Nanna Rögnvaldsdóttir sagði frá og las úr bók sinni VALSKAN.

Fjórði fundur var haldinn í  byrjun nýs árs 2024 í Melaskóla. Þar sagði Björg Melsted frá mastersrannsókn sinni sem fjallar um starfstengda leiðsögn og hlutverk leiðsagnarkennara í grunnskólum.

Í lok febrúar bauð Jóhann Guðrún Ólafsdóttir félagskonum til sín í Kópavogsskóla þar sem Guðný Sigurjónsdóttir skólastjóri sýndi okkur skólann og Jóhanna sagði frá Þróunarverkefni um rafrænar námsbækur.

Sjötti fundur starfsársins var haldinn með Epsylonsystrum í Þorlákshafnarkirkju þar sem Alma Dís Kristjánsdóttir kynnti doktorsverkefni sitt um greiningu á faglegri nálgun í íslensku safnfræðslustarfi. Að loknum fundi snæddu systur saman kvöldverð.

Sjöundi fundur er aðalfundur sem haldinn er í leikskólanum Hlíðarberg í Hafnarfirði. Á dagskrá fundar eru hefðbundin aðalfundarstörf þar sem ný stjórn er kosin. Björg Melsted og Ólafía Guðmundsdóttir halda áfram í stjórn en Iðunn Antonsdóttir, Sigurborg K Kristjánsdóttir  og Steingerður Kristjánsdóttir hafa lokið stjórnarsetu. Alla Dóra Smith, Jóhanna G. Ólafsdóttir og Sigríður Ólafsdóttir koma nýjar inn í stjórnina. Stjórnin skiptir með sér verkum á eftirfarandi hátt. Björg tekur að sér formensku, Sigríður varaformaður, Jóhanna gjaldkeri, Alla Dóra Smith ritari og Ólafía meðstjórnandi.

Lokaorð

Starfið í Lambdadeild hefur verið blómlegt á síðustu tveimur starfsárum og félagskonur fjölmenntu aftur á fundi en heimsfaraldur setti mark á fyrri starfsár. Við nutum þess að fá fjölbreytta fræðslu frá bæði félagskonum og öðrum fróðum einstaklingum. Félagskonur hafa verið duglegar að taka með sér gesti á fundi og fjórar félagskonur voru teknar inn á starfsárunum 2022 til 2024. Á síðasta hluta starfsárs 2024 urðu tvær stjórnarkonur, þær Sigurborg formaður og Steingerður ritari, fyrir því að veikjast og gátu ekki tekið þátt stjórnarstarfinu. Þær stjórnarkonur sem eftir voru í stjórn hlupu í skarðið eftir bestu getu.

Fundargerðir 2023-2024

7. fundur Lambdadeildar starfsárið 2023-2024  

Aðalfundur Lambdadeildar   

16. maí 2024

Tíu félagskonur mættu á aðalfund lambdadeildar sem haldinn var á leikskólanum  Hlíðarberg.

Iðunn stýrði fundi, Ólafía kveikti á kertum og setti fund í fráveru Sigurborgar formanns.

Björg las upp ársskýrslu stjórnar fyrir starfsárin 2022-2024 sem samþykkt var með örfáum viðbótum.

Iðunn fór yfir ársreikning, lítillega greitt fyrir veitingar og nælur en meirihluti gjaldanna rennur til landssambandsins. Ársreikningur var samþykktur af félagskonum.

Ný stjórn var kosin til tveggja ára, Björg Melsted og Ólafía Guðmundsdóttir halda áfram í stjórn en Iðunn Antonsdóttir, Sigurborg K. Kristjánsdóttir  og Steingerður Kristjánsdóttir hafa lokið stjórnarsetu. Alla Dóra Smith, Jóhanna G. Ólafsdóttir og Sigríður Ólafsdóttir buðu sig fram í nýja stjórn.

Sigurborgu, Iðunni og Steingerði var þakkið fyrir vel unnin stjórnarstörf í þágu deildarinnar. Sigurborg sagði stuttlega frá veikindum sínum en hún greindist með æxli í höfði fyrr á árinu.

Alla Dóra var með orð til umhugsunar og sagði frá afmælisboði sem hún fór í hjá gömlu leikskólabarni 30 árum eftir að hún kenndi barninu.

Önnur mál:

• Rætt um inntak funda, almenn ánægja með áhugaverðar og gagnlega kynningar á síðasta starfsári.
• Ýmsar hugmyndir um áherslur á komandi starfsári s.s. kennarar af erlendu bergi, fjölmenning í skóla- og fræðslustarfi. Gott að heimsækja aðrar deildir, fara í gönguferðir með leiðsögn. Stefnt er að fjölbreyttum og skemmtilegum viðburðum á næsta starfsári.
• Umræða um að bera nælur/merki samtakanna og fjárfesta kannski í borða til að festa nælur.
• Sagt frá frétt stjórnar landsambands DKG um afmæli samtakanna í Íslandi, á næsta ári eru liðin 50 ár síðan fyrsta deildin, Alfa, var sofnuð hér á landi. Skipuð hefur verið nefnd og óskað er eftir hugmyndum.
• Umræða um árgjaldi, allar konur sammála um að ræða hækkun á árgjaldi fyrir næsta starfsár á fyrsta fundi í haust. Góð hugmynd að vera með happadrætti sem auka fjáröflun.

Ólafía sleit fundi með því að blása á kerti og konur borðuðu saman á veitingarstað í Hafnafirði.

6. fundur Lambdadeildar starfsárið 2023-2024 

Heimsóttum Epsylonsystur í Þorlákshafnarkirkju þar sem Alma Dís Lambdasystir kynnti lokaverkefni sitt um greiningu á faglegri nálgun í íslensku safnafræðslustarfi. Að loknum fundi snæddu allar systur saman kvöldverð í Þorlákshöfn.

5. fundur Lambdadeildar starfsárið 2023-2024 

28. febrúar í Kópavogsskóla

DKG fundur í Kópavogsskóla 28 febrúar 2024

Skólastjóri Kópavogsskóla tók á móti okkur og sýndi okkur skólann og sagði frá sögu hans og starfinu.

Sigurborg setti fundinn og kveikti á kertum vináttu,  trúmennsku og hjálpsemi.

Sigurborg sagði frá dagskrá næsta fundar sem verður í Þorlakshöfn 13 mars kl 17.00 í Þorlákshafnarkirkju. Þar sækjum við heim systur okkar í Epsilon deild. Alma Dís mun segja frá doktorsverkefninu sínu og námstyrkjasjóð. Borðum saman kvöldmat í Bistró.

Síðan var kaffihlé og orð til umhugsunar

Jóhanna Guðrún Ólafsdóttir Lambdasystir og kennari við Kópavogsskóla tók á móti okkur og sagði frá þróunarverkefni sem fólst í því að kanna hvort nemendur með ólíkan menningar- og tungumálabakgrunn gætu byggt upp og þróað eigin rafrænar námsbækur í íslensku og notað skjápenna og spjaldtölvu. Markmiðið var að sjá hvort að nemendur gætu með þessari nálgun haft meira áhrif á eigið nám og aukið þannig hæfni sína.

Orð til umhugsunar flutti Særún Albertsdóttir um yndislestur.

Fundi slitið kl 19.00

4. fundur Lambdadeildar starfsárið 2023-2024 

10. janúar -  Melaskóli

Mættar voru: Alla Dóra, Alma Dís, Birna, Björg Melsted, Gerður, Hólmfríður Sveins, Jóhanna Ólafs, Jódís, Særún, Sigríður, Sigurborg, Stella Hermanns, Ólafía

Skólastjóri Melaskóla Harpa Reynisdóttir tók á móti og bauð okkur velkomnar og sagði aðeins frá skólanum.

Sigurborg setti fund og kveikti á kertum vináttu, trúmennsku og hjálpsemi.

Sigurborg færði fundargestum kveðjur fjarstaddra félagskvenna og tók nafnakall.

Bauð síðan Björgu Melsted að flytja kynningu á meistaraverkefni sínu. Leiðsagnarkennarinn : faglegur leiðtogi í lærdómssamfélagi grunnskóla

Viðfangsefni þessa verkefnis er starfstengd leiðsögn í grunnskólum og þróun skólastarfs. Markmið þessarar rannsóknar var að skoða starf leiðsagnarkennara í grunnskólum út frá nýlegu ákvæði um starfsheitið í kjarasamningi grunnskólakennara. Í rannsókninni er leitast við að varpa ljósi á hlutverk leiðsagnarkennara og þá þætti sem stuðla að því að hann taki stöðu faglegs leiðtoga í grunnskóla. Niðurstöður rannsóknarinnar benda til að mikil þörf sé fyrir stuðning og leiðsögn í skólunum. Leiðsagnarkennarar sem búa yfir þekkingu á sviði leiðsagnar og ráðgjafar hafa sterkari sýn á hlutverk sitt sem faglegir leiðtogar en þeir sem minni þekkingu hafa. Jafnframt hafa þeir sterkari stöðu í lærdómssamfélaginu þar sem skólastjóri deilir sömu sýn. Vilji skólastjóra og leiðsagnarkennara til að sinna faglegri forystu er greinilegur en skortur á tíma og fjármunum er hamlandi. Starf leiðsagnarkennara er enn í mótun og til að það þróist þannig að leiðsagnarkennari taki forystu um að innleiða leiðsagnarmenningu í grunnskólum benda niðurstöður til þess að eftirfarandi þættir þurfi að fara saman: Virkt samtal milli hagsmunaaðila grunnskólans um sameiginlegan skilning og útfærslu á starfi leiðsagnarkennara, aukið svigrúm leiðsagnarkennara til að sinna starfinu, þekking leiðsagnarkennara á sviði leiðsagnar, stefna skólans um virkt lærdómssamfélag og sýn skólastjóra á leiðtogahlutverkið.(Skemman.is)

Síðan var kaffihlé og að lokum flutti Ólafía Orð til umhugsunar og ræddi um styrkleika

Styrkleikar eru 24: Þakklæti, fyrirgefning, hógværð, hugrekki, heiðarleiki, þrautseigja, gætni, húmor, dómgreind, víðsýni, lærdómsást, forvitni, liðsheild/liðsmaður, forystuhæfni, sköpunargáfa, staðfesta, dugnaður, lífsorka, ást, góðmennska, félagsgreind, sanngirni, að kunna að meta fegurð og snilld, von og andlegt viðhorf.

Styrk­leik­ar eru ekki bara það sem við erum góð í held­ur eru þeir já­kvæðir eig­in­leik­ar sem koma fram í hugs­un­um okk­ar, til­finn­ing­um og hegðun. Þeir eru mæl­an­leg­ir og nokkuð stöðugir en þá má efla og styrkja með auk­inni notk­un.Það eru þrír þætt­ir sem þurfa að koma sam­an svo um styrk­leika sé að ræða. Styrk­leik­ar eru byggðir á grunni hæfi­leika en verða til með reglu­legri notk­un sem fær­ir aukna orku. Með auk­inni notk­un batn­ar frammistaðan. Til verður hringrás þar sem þess­ir þrír þætt­ir; hæfi­leiki, orka og notk­un renna sam­an. Af hverju er gott að vita hverj­ir styrk­leik­ar sín­ir eru? Ein­stak­ling­ar sem eru meðvitaðir um styrk­leika sína og nota þá á mark­viss­an hátt hafa meira sjálfs­álit, meiri orku, finni aukna vellíðan, aukna ham­ingju og ná frek­ar ár­angri í lífi og starfi.

Hægt að fræðast meira um styrkleika og taka styrkleikapróf á https://www.viacharacter.org/

Fundi slitið.

3. fundur Lambdadeildar starfsárið 2023-2024 

4. desember 2023

Fundarstaður 17 júnítorg 7 Garðabæ.

Mættar voru Alma Dís, Birna, Björg, Ester, Guðrun Þóra, Helga, Hólmfríður, Ingibjörg, Jódís, Jóhanna, Ólafía, Særún, Sigríður, Sigurborg og Stella

Sigurborg setti fundi og kveikti á kertum vináttu, trúmennsku og hjálpsemi.

Gestur Nanna Rögnvaldsdóttir var boðin velkomin og las hún upp úr bók sinni Valskan sem er söguleg skáldsaga byggð á sögu formóður hennar Valgerði(Valka)sem synti gegn straumnum á sínum tíma. Valska var prestdóttir frá Vopnafirði. Hún bjó síðar í Köldukinn í Þingeyjarsýslu á þeim tíma sem móðuharðindi voru. Hún fór síðan suður eftir mikla raunir. Var síðar valin til að læra tóvinnu á Fjóni Í Danmörku en valin voru ungmenn sem áttu síðan að koma með þekkinguna til íslands.

Björg sagði síðan frá Delta Kappa Gamma samtökunum sem er með 13 deildir á Íslandi þar af  5 á höfuðborgarsvæðinu. DKG stendur fyrir kennari, lykill, kona. Félagsmenn skrifa blaðagreinar, eru með kynningar og heimsóknir,  land og náttúruskoðun. Sigurborg afhenti síðan Nönnu rós sem þakklætisvott fyrir upplesturinn.

Síðan var boðið upp á kjúklingasúpu sem Sigurborg töfraði fram.

Jódís Káradóttir var síðan með orð til umhugsunar. Sagði hún okkur frá ömmu sinni Elsu i Guðjónsdóttur sem skrifaði bókina Refilsaumur sem tilnefnd er til íslensku bókmenntaverðlaunanna. Athyglisvert er að bókin er skrifuð af konu um ævistarf sitt sem var að rannsaka refilsaum á íslandi. Það var einnig kona sem ritstýrði bókinni og umfjöllunarefnið er handverk kvenna. Jódís sagði okkur frá ömmu sinni Elsu sem var frábær fag og fræðimaður og í ár eru 70 ár frá því að fyrst bók hennar kom út. Hún kynntist manni sínum í MR og fóru þau saman í nám til New York. Elsa hlaut fálkaorðu fyrir störf sín. Nú stendur yfir sýning í Þjóðminjasafninu á íslenskum röflum og hvatti Jódís okkur til að skoða hana.

Jósdís og Ester færðu öllum óvænta gjöf, byggða á fæðingardegi hverrar og einnar. Það var skjal með persónulegu ársyfirliti fyrir árin 2023 og 2024 út frá tölum og litum eftir fræðum Louise L Hay  í bókinni Colors and Numbers.  Persónuleg og falleg gjöf.

Að lokum var boðið upp á kaffi og marengsköku í eftirrétt.

Það voru saddar og sælar konur sem kvöddu að loknu skemmtilegri samverustund á aðventu.

2. fundur Lambdadeildar starfsárið 2023-2024 

25. október - Menntaskólinn Hjálmaklettur í Borgarnesi

Heimsóttum systur í Deltadeild og fengum kynningu á námsverinu KVIKU og Heiðrún Bjarnadóttir prestur Borgnesinga var með innlegg. Snæddum kvöldverð með Deltakonum í Menntaskólanum.

1. fundur Lambdadeildar starfsárið 2023-2024  

Fyrsti haustfundur Lambda deildar 18. september 2023 

Haldinn á kaffistofu starfsmanna á Menntavísindasviði - Stakkahlíð

Sigurborg formaður setti fundinn og kveikti á kertum.

Steingerður ritari skrifaði fundargerð

Sigurborg viðhafði nafnakall og flutti kveðjur frá konum sem komust ekki á fundinn.

Sigurborg formaður hvatti konur til að athuga hvort hægt væri að halda fundi á þeirra vinnustöðum eftir því sem við á.

Gerður flutti orð til umhugsunar um að syrgja með börnum í aðdraganda skyndilegs fráfalls samstarfskonu.

Sigurborg afhenti nokkrum konum skírteini sem hafði farist fyrir að afhenda, um þátttöku þeirra í samtökunum.

Sigurborg kynnti tillögu að fundarfyrirkomulagi þ.e. dagsetningum vetrarins.

Dagskrá vetrarins rædd og ákveðið að fara í heimsókn í t.d Borgarnes og fá kynningu frá Jóhönnu í Kópavogsskóla, Björg Melsted kynni ritgerðina sína, Alma doktorsverkefnið og Steingerður fjalli um þjónandi forystu, Soffía Vagns með jákvæða sálfræði og jólafund með upplestri.  Fram kom tillaga að hafa hinsegin, kynsegin fræðslu eða bara almennt um bakslag í allri réttindabaráttu. Um þennan lið skapaðist áhugverð .
Ákveðið að hafa sjö fundi yfir veturinn sem falla á mánudaga, þriðjudaga og miðvikudaga.

Rætt um að fjölga konum í deildinni og huga að fjölbreytileikanum og konur hvattar til að taka með sér gesti á fundi.

Rætt um heimasíðuna og uppfærslu á henni, félagatalið o.fl. Það er mikilvægt að halda heimasíðunni lifandi þar sem hún er ein af þeim stoðum sem skoðaðar eru fyrir alþjóðlega gæða úttekt samtakanna.
Ákveðið að senda tölvupóst á félagskonur og biðja þær að athuga hvort upplýsingar um þær séu rétta inn á síðunni. Ólafía er tilbúin að taka að sér að halda áfram að uppfæra heimasíðuna.

Fundi slitið klukkan 18.30

Fundargerðir 2022-2023

Áttundi félagsfundur Lambdadeildar starfsárið 2022-2023

17. maí 2023 í Öskjuhlíð

Lokafundur starfsársins var með óhefðbundnu sniði og farið var í sögugöngu um Öskjuhlíðina sem ólöf átti heiður af að skipuleggja. Helgi Máni Sigurðsson sagði frá fjölbreyttri náttúru ásamt söguminjum og að lokinni göngu var borðað saman á veitingastaðnum Nauthól.

Sjöundi félagsfundur Lambdadeildar starfsárið 2022-2023

8. mars 2023 á Menntavísindasviði HÍ

Intökufundur nýrra félagskenna í Lambdadeild DKG. Fjórar nýjar félagskonur gengu til liðs við deildina, Þær Sigríður Ólafsdóttir, Hulda Egilsdóttir, Stella Hermannsdóttir og Þorgerður Anna Arnardóttir. 

Ragnhildur Ólafsdóttir leikskólastjóri sagði frá M-Ed rannsókn sinni um jafningjastjórnun. 

Ester Ágústsdóttir Lambdasystir var með orð til umhugsunar.

Sjötti félagsfundur Lambdadeildar starfsárið 2022-2023

6. febrúar 2023 í Þorraseli

Hólmfríður sýndi okkur og sagði frá starfsemi Þorrasels, sem er dagvistun aldraðra. Þórunn Sveinbjörnsdóttir formaður eldri borgara kom á fundinn og fræddi félagskonur um hvað tekur við þegar ævistarfinu lýkur. 

Fimmti félagsfundur Lambdadeildar starfsárið 2022-2023

9. Janúar 2023 í Hamraskóla

Fundarstjórn: Sigurborg Kristjánsdóttir

Fundarritari: Steingerður Kristjánsdóttir

Sigurborg kveikti á kertum, setti fund og tók nafnakall . Hún flutti kveðjur fjarstaddra félagskvenna. Mættar voru 12 félagskonur.

Steingerður las fundargerð síðasta fundar

Anna Bergsdóttir skólastjóri tók á móti hópnum og kynnti sögu skólans í stórum dráttum fyrir fundargestum en skólinn tók til starfa 1991 og starfar núna með ca 200 nemendur í 1. – 7. Bekk. Anna segir rúmt um nemendur og skólinn er m.a. með deild fyrir einhverf börn.
Síðustu 3 ár hafa verið erfið vegna framkvæmda. Loftgæði voru bætt og skólinn tekinn í gegn.
Í skólanum starfa um 18 kennarar og eru allir réttinda kennarar fyrir utan einn leiðbeinanda.

Anna kynnti fyrir fundargestum„Leiðsagnarnám“ þar sem Hamraskóli er þekkingarskóli í leiðsagnarnámi. Í Reykjavík eru fjórir þekkingarskólar.
Grunnurinn að leiðsagnarnámi er að vinna með vaxandi hugarfar. Anna sýndi fundargestum m.a. tvö plaköt, annað sem er staðsett í öllum skólastofum til að minna nemendur og kennara á hvernig hægt er að snúa föstu hugarfari yfir í vaxandi hugarfar.
Anna segir að hrósið sé mikilvægt og vandmeðfarið í leiðsagnarnámi.

Anna kynnti hvernig unnið er með námskrá, uppbyggingu kennslustunda, árangursviðmið og mat á árangri. Hún sagði m.a. að það sem væri mesta áskorunin að taka samantekt í lok kennslustundarinnar „hvað lærðum við í þessu tíma“?

Að kynningu lokinn fengu fundargestir að skoða bækur og gögn sem skólinn styðst við í þessari vinnu og um erindið spunnust umræður um leiðsagnarmat.

Björg færði Önnu rós að lokum og þakkaði fyrir frábærar móttökur.

Anna Bergsdóttir og Helga Guðjónsdóttir gengu með okkur um skólann og sýndu okkur flesta króka og kima og sögðu frá starfseminni sem þar fór fram.

Afskaplega ánægjuleg og áhugarverð heimsókn.

Sigurborg flutti okkur erindi sem barst frá Jónu  Benediktsdóttur í uppstillingarnefnd en hún óskaði eftir tilnefningum í stjórn Delta Kappa Gamma fyrir landsþingið. Lambda deild tilnefnir Steingerði Kristjánsdóttur og Iðunni Antonsdóttur (fjarverandi á fundinum) og Ester Ágústsdóttur til vara.

Næsti fundur er fyrirhugaður í Þorraseli, Vesturgötu 1 þann 7. febrúar n.k.

Fleira var ekki gert og fundi slitið kl. 19.00

 Af þeim sökum voru „orð til umhugsunar“ færð til næsta fundar.

Fjórði félagsfundur  Lamdadeildar starfsárið 2022-2023

Fundarstaður: Sautjándajúnítorgi 7 – Gestgjafi: Sigurborg Kristjánsdóttir
Fundarritari: Steingerður Kristjánsdóttir
Tími: 29. nóvember kl. 17.00-18.30
Mættar voru 16  félagskonur.

Sigurborg setti fundinn og  bauð félagskonur og gest fundarins Guðrúnu Frímannsdóttur velkomnar

Sigurborg færði fundargestum kveðjur fjarstaddra fundargesta og tók nafnakall.

Sigurborg kynnti samtökin stuttlega fyrr gesti fundarins og gaf Guðrúnu orðið sem sagði okkur frá tilurð bókarinnar um Elspu. Guðrún las formála bókarinnar og stuttan kafla úr bókinni. Að lestri loknum gafst fundargestum kostur á að kaupa áritað eintak en Guðrún var með nokkur eintök á vegum Forlagsins.
Sigurborg færði Guðrúnu rós að lokum og þakkaði henni fyrir komuna á fundinn og hennar framlag.

Fundargestir gæddu sér á kaffi og veitingum að lokinni bókarkynningu en Sigurborg hafði reitt fram dýrindis kræsingar.

Steingerður las fundargerð síðasta fundar

Guðrún Þóra flutti okkur orð til umhugsunar sem fjölluðu um gildi tónlistar og kórastarfs í lífi barna en kórastarf er á undanhaldi og erfitt að fá tónmenntakennara til starfa í leik – og grunnskólum. Um innlegg Guðrúnar spunnust góðar umræður um gildi tónlistar í lífi og menntun barna.

Sigurborg sleit fundi og Helga Guðjónsdóttir bauð okkur að halda næsta fund í Hamraskóla. Næsti fundur er áætlaður 9. janúar 2023

Fleira var ekki gert og fundi slitið 18.40.

Þriðji fundur Lamdadeildar starfsárið 2022-2023

Fundarstaður: Urriðaholtsskóli – Gestgjafi: Þorgerður Anna skólastjóri
Tími: 18. október 2022 kl. 17.00-18.30
Mættar voru 6  félagskonur.

Sigurborg þakkaði fyrir móttökurnar og bauð gest fundarins Pál Ólafsson framkvæmdarstjóra farsældarsviðs barna – og fjölskyldustofu velkominn á fundinn.

Barna- og fjölskyldustofa er ný stofnun og hlutverk hennar er að samþætta þjónustu í þágu farsældar barna í samræmi við nýju farsældarlögin.

Stofnunin er 10 mánaða gömul og er ætlað að standa vörð um „ósýnilegu börnin“ í kerfinu.  Í hverjum skóla verður til tengiliður sem er sérstaklega til staðar fyrir börn og foreldra.

Markmiðið er að börn og foreldrar hafa aðgang að samþættri þjónustu og hafi aðgang að málstjóra/tengilið.

Þessu fylgdi peningar frá ráðuneyti til að þetta megi verða að veruleika í hverjum skóla . Í Reykjavík gengur þetta undir nafninu „betri borg fyrir börn“.

Þetta er talið vera næst arðbærasta fjárfesting sem ríkið hefur ráðist í mv. að hægt sé að „bjarga“ 30 börnum. Í þessu samhengi taldi hann upp Kárahnjúkavirkjun og Keflavíkurflugvöll svo eitthvað sé nefnt.

Um erindi Páls sköpuðust áhugaverðar umræður og hann svaraði spurningum fundargesta skilmerkilega.

Sigurborg þakkaði Páli fyrir komuna og færði honum rós að launum.

Sigurborg sett eiginlegan fund og flutti kveðjur frá fjarstöddum félögum.

Steingerður las fundargerð síðasta fundar.

Fundargestir héldu áfram að ræða innleggið frá Páli og um það sköpuðust góðar umræður.

Helga Guðjónsdóttir las orð til umhugsunar og um það spruttu einnig skemmtilegar umræður.

Sigiurborg minnti á að næsti fundur væri jólafundur. Steingerður færði Þorgerði Önnu rós og þakkir fyrir móttökuna.

Fleira var ekki gert og fundi slitið kl. 18.30

Annar fundur Lambdadeildar starfsárið 2022 - 2023 

21. September 2022 í Mennta- og barnamálaráðuneytið.

Gestgjafi: Óskar H. Níelsson sérfræðingur hjá Mennta- og barnamálaráðuneytinu og einnig eiginmaður Gerðar Magnúsdóttur félagskonu. 

12 félagskonur og 4 gestir 

Fundarritari, Björg Melsted

Sigurborg formaður setti fundinn með því að kveikja á kertunum þremur, kynnti Óskar Hauk og þakkaði honum fyrir að taka á móti okkur. Björg las upp fundargerð síðasta fundar.

Orð til umhugsunar: Sigurborg las kafla úr bókinni Í dag - um lífið, tilveruna og trúna. Inntakið var um mikilvægi virðingar, hin gagnkvæma virðing sem undirrót góðs samfélags.

Óskar Haukur kynnti nýtt skipulag Mennta- og barnamálaráðuneytis. Næst fjallaði Óskar um nýja menntastefnu til 2030 og fyrstu aðgerðaáætlun af þremur sem komin er í framkvæmd. Lögð er áhersla á góða og markvissa innleiðingu og varast svokallaða „snjóskriðu” innleiðingu. 

 Fyrsta aðgerðaáætlunin 2021-2024 tekur til eftirfarandi þátta:   

• Heildstæð skólaþjónusta: Undirbúningur á innleiðingu geðræktarstarfs á öllum skólastigum.
• Skólaþróun um land allt: Tilraunaverkefni um ráðstöfun fjármuna í grunnskólum. Lögð er áhersla á að aðkoma ríkis og sveitarfélaga sé styðjandi en ekki stýrandi.
• Markviss stuðningur við nemendur með fjölbreyttan tungumála- og menningarbakgrunn: Auka útgáfu námsefnis, kennslu- og sérfræðiráðgjöf.
• Fjölgun kennara með leyfisbréf: 5 ára átaksverkefni stjórnvalda til fjölgun kennara sem hófst 2019
• Hæfni fagstétta í skólastarfi: Efla skólaþróun með fjölbreyttum verkefnum.
• Gagnrýnin hugsun sköpun og skilningur: Markviss stuðningur við lestrarkennslu og -þjálfun í leik-, grunn-, og framhaldsskólum. Endurskoðun hæfniviðmiða í íslensku og greinasviðs íslensku í aðalnámskrá grunnskóla.
• Mótun hæfnistefnu Íslands í virku samráði: Samráðsvettvangur menntakerfa og atvinnulífs um hvernig byggja megi markviss upp hæfni til að mæta framtíðaráskorunum. 
• Raddir unga fólksins - virkt nemendalýðræði á öllum skólastigum: Samningur við Unicef um stuðning við verkefnin Barnvæn sveitarfélög og Réttindaskóla og -frístund. Undirbúningur fyrir rafrænan samráðsvettvang barna og stjórnvalda.
• Vönduð náms- og kennslugögn fyrir allt menntakerfið: Efling þróunarsjóðs námsgagna, þróun miðlægrar stafrænnar námsgagnaveitu og auka aðgengi leikskóla að útgefnu efni. 

Óskar nefndi nokkra þætti sem nú þegar eru komnir í gang s.s. að aðgengi leikskóla að námsgögnum hafi verið bætt, forvinna þróunar miðlægrar námsgagnaveitu hjá MMS er hafin og endurskoðun greinasviða aðalnámskrá grunnskóla. Í lok kynningar svaraði Óskar spurningum og í kjölfarið spunnust góðar umræður um samræmd próf, lestrarpróf (lesferill), Písa, áhrif Covid - 19, mikilvægi samvinnu og samskipta. 

Sigurborg þakkaði Óskari Hauki fyrir góða kynningu og bauð gestum að fá sér veitingar í boði ráðuneytisins.

Fundi slitið kl. 18:40 

Fyrsti fundur Lamdadeildar starfsárið 2022-2023

29. ágúst 2022

Fundarstaður: Leikskólinn Sólhvörf – Gestgjafi: Gerður Magnúsdóttir leikskólastjóri
Mættar voru 12 félagskonur

Sigurborg formaður þakkaði fyrr móttökurnar og setti fundinn með því að kveikja á kertunum þremur.

Fundargerð síðasta fundar lesin en það var aðal – og inntökufundur 4. maí sl.

Orð til umhugsunar- Birna Sigurjónsdóttir las ljóðið „Slyppugilshryggur“ úr bókinni „Við Hæfi“ eftir Heiðrúnu Ólafsdóttur

Gerður Magnúsdóttir kynnti mastersrannsókn sína „Milli stúdentsprófs og heimsreisu“ sem er eigindleg rannsókn byggð á viðtölum við 9 unga starfsmenn á leikskólum um ástæður þess að þau velja ekki leikskóla sem framtíðar starfsvettvang. Niðurstöður rannsóknarinnar eru mjög áhugaverðar og eru m.a.

• Slæm upplifun unga fólksins af eigin skólagöngu og lítil trú á eigin getu koma í veg fyrir að fólk fer í háskólanám
• Áhrif foreldra þessa unga fólks á starfsvali þ.e. neikvæð áhrif sýn foreldra á starfið fæla frá því að ungt fólk velur þennan starfsvettvang
• Sumt ungt fólk var einfaldlega búið að ákveða hvað það vildi læra og námsval þeirra löngu ákveðið
• Upplifun unga fólksins á opinberri umræðu um leikskólastarfið hafði fælandi áhrif. Hér er átt við s.s. laun, álag, vinnutíma o.fl.
• Áhrif vinnustaðarins á upplifun unga fólksins af starfinu. Hér spilar inn í hvernig starfsmenn tala um starfið og vinnustaðinn „ kaffistofu tuðið“

Áhugaverðar umræður um rannsóknina og mikilvægi þess að tala upp starfið sem og hversu mikilvægt það er að vera góðar fyrirmyndir.

Gerður sýndi fundarmönnum leikskólann og þar standa m.a. yfir miklar framkvæmdir þar sem bæta á við heilli deild við skólann

Sigurborg kynnti hugmyndir að fundartíma fundanna sem myndi vera á mánudögum, þriðjudögum og miðvikudögum kl. 17-18.30 Fundartíminn var samþykktur

Sigurborg og Steingerður kynntu hugmyndir að þema vetrarins og drög að starfsáætlun vetrarins. Um starfsáætlunina sköpuðust góðar umræður og nokkrar hugmyndir komu til viðbótar:

• Nýsköpun og þróun í kennslu og menntun á Menntavísindasviði. Hæg heimatökin að fá Kolbrúnu forseta sviðsins til að kynna það - samþykkt
  Ábyrgð: Steingerður
• Menntastefnan – Gerður sagði frá því að þar sem eiginmaður hennar vinnur í ráðuneytinu væri hann tilbúin til að koma og kynna hana og bauð fram Sólhvörf sem fundarstað aftur fyrir þá kynningu næst. Sá fundur yrði þá þriðjudaginn 20. september
  Ábyrgð: Sigurborg og Gerður
• Farsældarlögin – hvaða áhrif hafa þau á störf þeirra sem vinna með og fyrir börn- samþykkt
  Ábyrgð: Steingerður
• Fleiri hugmyndir ræddar s.s. Jóhanna sagði frá spennandi þróunarverkefni í Kópavogsskóla sem fjallar um að nemendur gera sjálfir sínar eigin bækur í Ipad
  Iðunn sagði frá skóla sem er starfræktur á netinu- Ásgarður
  Hólmfríður hefur líka boðið okkur í heimsókn í Þorrasel sem við vorum búnar að setja í drögin að starfsáætluninni

1. Fleira ekki rætt. Sigurborg formaður sleit fundi kl. 18.35

Ársskýrsla Lambdadeildar

fyrir starfsárin 2020-2021 og 2021-2022

Inngangur

Ársskýrslan tekur til tveggja starfsára, þ.e. áranna 2020 til 2021 og 2021 og 2022. Formanni deildarinnar ber að skila ársskýrslu til forseta landssambandsins mánuði fyrir lands-sambandsþing. Fundargerðir allra félagsfunda Lambdadeildar hafa verið vistaðar á heimasíðu DKG en fundir urðu færri en áætlað var vegna heimsfaraldursins. Á þessum tveimur starfsárum voru haldnir átta félagsfundir og sex formlegir stjórnarfundir þar sem stjórnarmenn hittust og réðu ráðum sínum. Þess á milli voru þeir í samskiptum sín á milli í gegnum tölvupóst, lokaða facebook síðu eða í gegnum samskiptaforritið messenger.

Sautján konur eru skráðar í deildina. Félagsfundir voru boðaðir í gegnum samfélagsmiðilinn Facebook þar sem konur skráðu mætingu sína eða forföll. Að jafnaði mættu átta til tíu félagskonur auk gesta, sem við vorum duglegar að bjóða til okkar en markmiðið með því var að kynna starfsemi deildarinnar fyrir áhugasömum konum sem hefðu áhuga á að ganga til liðs við okkur síðar.

Fundirnir voru hefðbundnir, hófust á því að formaður setti fund með því að kveikja á kertum vináttu, trúmennsku og hjálpsemi. Þar á eftir voru orð til umhugsunar og fræðslukynningar í framhaldinu. Fundirnir hófust ávallt kl. 17.00 og stóðu í eina og hálfa klukkustund. Eftir að búið var að slíta fundi á formlegan hátt höfðu félagskonur tækifæri til að spjalla. Ávallt var boðið upp á veitingar á félagsfundum.

Starfsárið 2020 til 2021

Ný stjórn var kosin til tveggja ára á aðalfundi í Húsi Vigdísar Finnbogadóttur í júní 2020. Í september sama ár hittist ný stjórn og skipti með sér verkum á eftirfarandi hátt. Jódís Káradóttir formaður, Sigurborg Kristjánsdóttir ritari, Birna Sigurjónsdóttir og Ólafía Guðmundsdóttir meðstjórnendur og Iðunn Antonsdóttir gjaldkeri.

Á fyrsta stjórnarfundinum sem haldinn var í september 2020 var meðal annars; a) starfsáætlun fyrir komandi starfsár rædd og samþykkt, b) rætt um leiðir til þess að fjölga félögum, c) farið yfir uppfærslu félagatalsins og d) greint frá tilnefningu í samskipta og útgáfunefnd DKG en Birna Sigurjónsdóttir og Iðunn Antonsdóttir sitja nú í nefndinni fyrir hönd Lambdadeildar. Á þessum fundi var ákveðið að halda fjóra fundi á haustönn og fjóra á vorönn. Vegna heimsfaraldursins var enginn fundur haldinn á haustönn en tveir á vorönn. Á fyrri fundi vorannar flutti Birna Sigurjónsdóttir kynningu á samtökum fólks á þriðja æviskeiðinu U3A sem eru alþjóðleg samtök fólks á aldrinum 50+ og á síðari fundinum tók Þorgerður Anna Arnardóttir skólastjóri á móti félagskonum og sagði frá starfi, starfsháttum og byggingarsögu Urriðaholtsskóla.

 Starfsárið 2021 til 2022

Sex félagsfundir voru haldnir á síðara starfsárinu. Við heimsóttum listasafn Einars Jónssonar í boði ÖlmuDísar Kristinsdóttur Lambdasystur á fyrsta fundi okkar. Á öðrum fundi okkar fengum við kynningu á sjálfboðastarfi í Suður Afríku. Á þriðja fundi okkar var Anna Magnea Hreinsdóttir með fræðsluerindi um yngstu börnin í leikskólanum. Jólasamvera var í desember þar sem Arndís Þórarinsdóttir las úr bók sinni Bál tímans, örlagasaga Möðruvallabókar í sjö hundruð ár.  Fimmti fundurinn okkar var haldinn í Gerðubergi. Á þann fund mætti forseti landssambands DKG og kynnti samtökin fyrir væntanlegum félagskonum.

Síðasti fundur starfsársins er inntökufundur og síðan aðalfundur sem haldinn er í húsnæði Menntavísindasviðs og þar eru teknar inn þrjár nýjar félagskonur. Á aðalfundinum ganga Birna Sigurjónsdóttir og Jódís Káradóttir úr stjórn og í þeirra stað bjóða sig fram Björg Melsted og Steingerður Kristjánsdóttir. Sigurborg Kristjánsdóttir býður sig fram til formanns og Ólafía Guðmundsdóttir býður sig fram til að sitja áfram í stjórn. Iðunn Antonsdóttir verður áfram gjaldkeri deildarinnar.

Allar fundargerðir félagsfunda má nálgast á heimasíðu DKG undir Lambdadeild.

Lokaorð

Heimsfaraldurinn var þrándur í götu starfseminnar síðustu tveggja starfsára en þó tókst okkur að halda alls átta félagsfundi á þessum tveimur árum. Með hækkandi sól þá lítum við björtum augum til framtíðarinnar og erum staðráðnar í að efla starf deildarinnar með fjölgun félagskvenna og enn fjölbreyttara starfi á næstu árum.

Fundargerðir 2021-2022

Fundargerðir 2020-2021

Fyrsti félagsfundur Lambdadeildar árið 2021 var haldinn á Sautjándajúnítorgi 7 í Garðabæ föstudaginn 22. febrúar kl. 17.00.  Mættar voru sjö félagskonur og átta boðuðu forföll.

Efni fundarins:

• Kynning á samtökum fólks á þriðja æviskeiðinu
• Orð til umhugsunar
• Önnur mál

Jódís Káradóttir, formaður deildarinnar setti fundinn með því að kveikja á kertum vináttu, trúmennsku og hjálpsemi og því næst var gengið til dagskrár.

Kynning á samtökum fólks á þriðja æviskeiðinu. Birna Sigurjónsdóttir sagði okkur frá samtökum fólks á þriðja æviskeiðinu sem hún gegnir nú formennsku fyrir. U3A eru alþjóðleg samtök fyrir fólk á aldrinum 50+. Samtökin voru stofnuð árið 2012 og hefur fjölgað jafnt og þétt í samtökunum frá þeim tíma en félagsmenn eru nú hart nær níuhundruð. Samtökin standa fyrir vikulegum fundum á þriðjudögum kl. 16.30 sem ýmist innihalda fyrirlestra, heimsóknir í stofnanir, fyrirtæki og söfn og ferðalög innanlands og utan. Markmið samtakanna er stuðla að fræðslu og virkni félagsmanna, efla kynni við aðra innan og utan U3A hvar sem er í heiminum og taka þátt í rannsóknum og samstarfsverkefnum innanlands sem utan. Hægt er að nálagast allar upplýsingar um félagið á vefslóðinni www.u3a.is og þar er jafnframt  hægt að sækja um félagsaðild en félagsgjaldið er afar hóflegt eða kr. 2000.- á ári. Birnu var þakkað fyrir áhugaverða kynningu og í kaffipásu var áfram rætt um þau fjölmörgu tækifæri sem bíður fólks á  þriðja æviskeiðinu.

Orð til umhugsunar. Ólafía Guðmundsdóttir var með orð til umhugsunar og var henni efst í huga mikilvægi sí- og endurmenntunar  fyrir fólk sem mætir mótlæti í lífi og starfi. Hún sagði frá persónulegri reynslu þegar hún hafi þurft að klífa brekkur og hve endurmenntun í stjórnun og jákvæðri sálfræði  hafi veitt henni mörg verkfæri til að grípa til við ýmsar aðstæður í lífinu.

Önnur mál. Ýmis mál voru reifuð undir þessum lið svo sem tímasetningar fundanna, lengd þeirra,  huga betur að fundardagsetningum í framtíðinni svo sem vegna vetrafría og ýmis málefni tengd menntun. Fundi slitið kl. 18.30.  

Fundinn ritaði Sigurborg Kristjánsdóttir

Fundargerðir 2019-2020

Fundargerðir 2018-2019

Fyrsti fundur ársins, miðvikudaginn 30. janúar 2019 í Melaskóla.

Melaskóli opnaði arma sína á móti 11 köldum konum kl. 18 síðastliðinn miðvikudag. Byrjað var á leiðsögn um skólann þar sem sagan var rakin í stuttu máli, gengið um friðaða bygginguna og skólastofur skoðaðar. Eldri byggingin er frá 1946 og hefur grunnskólinn verið starfræktur þar fyrir 1.-7. bekk síðan þá. Einar Sveinsson teiknaði húsið og var það skreytt af listamönnunum Barböru Árnason og Ásmundi Sveinssyni. Ekki gafst tími til að skoða nýrri bygginguna en hún er tengd við þá eldri með neðanjarðargöngum og hefur hýst skólastofur eldri bekkjanna frá því um síðustu aldamót.

Jólafundur miðvikudaginn 12. desember

kl. 18 heima hjá Birnu formanni í Skógarselinu.

Mættar voru 13 konur á fundinn sem hófst á því að bjóða Steingerði formlega velkomna í félagsskapinn með skírteini, rós og nælu.

Formaður sagði frá boði Deltadeildar (sem er nýja deildin hennar Valgerðar okkar) um sameiginlegan fund fimmtudaginn 14. mars kl. 18, að fara á kynningu hjá Capacent og svo út að borða saman. Hjá Capacent tæki á móti okkur Hlín Helga Guðlaugsdóttir ráðgjafi hjá fyrirtækinu. Hún segði okkur frá fyrirtækinu og þeirri aðferðafræði, sem hún aðhyllist og hefur tileinkað sér í ráðgjafarstarfinu, Design Thinking.

Fundur 5 nóvember 2018
Birna kveikti á kertum og setti fund og fór yfir nokkur praktísk atriði. Hún minnti á greiðslu félagsgjalda en árgjaldið er 12.000 kr og fer 10.000 af því til samtakanna og þarf deildin að standa skil á því fyrir 10 nóvember. 
Vefsíða - þar eru m.a. fundargerðir og félagatal. Nú er verið að biðja um að settar séu inn myndir af félögum á síðuna. Sjá t.d. hjá Betadeild. Ákveðið var að Birna sjái um að setja þær inn og a við sendum myndir af okkur til hennar.
Fengum póst frá Delta-deild með ósk um samstarf. Tillaga kom um að bjóða þeim á fund með okkur í vor, annaðhvort í mars eða maí. Var mjög vel tekið í það af fundarmönnum.
Fundir á vorönn verða 30 janúar, 9 mars, í maí og vorfundur 11 júní. Umræður urðu um að fá áhugaverða fyrirlesara til að ná betri mætingu. Rætt um að fá á jólafundinn rithöfund með einhverja af jólabókunum t.d. Auði Övu eða Gerði Kristnýju. Eða einhverja af þeim konum sem er að gefa út bók.

Fundargerð 27. september 2018

Á fyrsta fundi vetrarins heimsóttu 11 konur í Lambdadeild Austurbæjarskóla og Skólamunastofuna sem Hollvinafélag Austurbæjarskóla (https://www.facebook.com/groups/120012415406796/) kom á laggirnar og sér um í sjálfboðaliðavinnu. Sigrún Lilja stærðfræðikennari og einn af stofnendum Hollvinafélagsins og Skólamunastofunnar tók á móti okkur.

Við byrjuðum á að skoða skólann sem er frá 1930. Hann var einn fullkomnasti skóli á Norðurlöndunum og jafnvel í Evrópu á sínum tíma, með bíósal, leikfimisal, sundlaug, ljósastofu og list- og verkgreinastofum. Það voru tvær íbúðir í skólanum fyrir skólastjóra og húsvörð, ásamt herbergjum fyrir kennara sem komu til kennslu utan af landi. Byggingin er fyrsta húsið sem var hitað upp með hitaveitu á Íslandi og kom það breska hernum mjög að óvörum þegar þeir hernumdu skólann í seinni heimstyrjöldinni. Í kjölfar Vestmanneyjagossins var skólinn einnig notaður til að hýsa fjölskyldur úr Eyjum. 

Fundargerðir 2017-2018:

Vorfundur 5. júní

Á vorfundi Lambda-deildar hittust 10konur og heimsóttu vinnustofu Önnu Jóelsdóttur myndlistakonu. Hún sagði okkur frá vinnu sinni og tilurð verkanna. Henni var færð rós og þakkað fyrir móttökurnar.http://www.annajoelsdottir.com/exhibits-2016-2011/
Að svo búnu hélt hópurinn á Marshall- veitingahúsið og naut þar góðrar samveru, líflegs spjalls og góðra veitinga. Héldum svo glaðar út í sumarið.

Aðalfundur 3. maí

Aðalfundur Lambda-deildar var haldinn í Grandaskóla 3.maí kl. 20:00. Mætttar voru 11 konur. Gerður setti fund og kveikti á kertum. Fundurinn hófst á aðalfundarstörfum. Gerður stýrði fundi og Birna las skýrslu stjórnar um starfið á árinu. Gerður greindi frá því að Iðunn tekur nú að sér gjaldkerastörf fyrir deildina en stjórn velur gjaldkera skv. reglum félagsins. Iðunn mun gera grein fyrir stöðu reikninga á fundi síðar. Greidd voru félagsgjöld til samtakanna DKG fyrir 20 konur alls 240 þúsund. 
Kosning til stjórnar - tvær konur ganga úr stjórn: Sigurborg Kristjánsdóttir og Sif Stefánsdóttir. Þeim var þakkað fyrir sitt framlag til starfsins. Í framboði til stjórnar eru: Birna Sigurjónsdóttir, Gerður Magnúsdóttir, Jódís Káradóttir og Ólafía Guðmundsdóttir. Kallað var eftir því hvort aðrar vilja bjóða sig fram, svo var ekki og stjórnin samþykkt með lófataki. Stjórnin skiptir með sér verkum á fyrsta fundi en jafnframt var sagt frá því að Birna býðst til að taka að sér formennsku. Fundarmenn undirrituðu vottorð um nýja stjórn. 
Félagatal var látið ganga og fundarkonur beðnar að fylla inn upplýsingar sem verða settar á vefsíðu deildarinnar.

Fundur 21. mars

Tíu konur voru mættar á fund Lambda-deildar í Menntamálastofnun 21. mars kl. 18:00. Gerður setti fund og kveikti á kertum og bauð konur velkomnar og gaf síðan orðið til Erlings R. Erlingssonar, sviðsstjóra miðlunarsviðs og Óskars Níelssonar, þróunarstjóra sem tóku á móti hópnum. Erling sagði okkur frá því að á miðlunarsviði starfa 14 manns að þróun og útgáfu námsefnis fyrir grunnskóla en á Menntamálastofnun starfa alls um 60 manns. Á hverju ári eru gefnir út 30-50 nýir titlar auk eldra námsefnis. Flest af því efni er aðgengilegt á vef stofnunarinnar. Helstu verkefni í þróun eru útgáfa námsefnis fyrir heyrnarlausa nemendur og einnig fyrir efni fyrir blinda. Nýjum Íslendingum hefur ekki verið sinnt nóg en námsefni fyrir þann hóp er nú í vinnslu. Hann greindi einnig frá því að krónutala per nemanda til námsefnisútgáfu hefur ekki breyst í 14 ár. Óskar tók síðan við og greindi nánar frá þróun námsefnis í íslensku fyrir heyrnarlausa nemendur en stofnunin hefur ekki áður útbúið námsefni fyrir þá. Þetta námsefni er dýrt í framleiðslu. Hann sagði okkur frá því að nú væði verið að móta stefnu um námsgögn á öllum þremur skólastigum, leikskóla, grunnskóla og framhaldsskóla. Af nýju efni nefndi hann handbók í bókmenntakennslu þar sem samin er skáldsaga yrir nemendur og henni fylgia síðan leiðbeiningar til kennara þar sem leiðbeint er um atriði í bókmenntum sem koma fyrir í sögunni og kennari vekur athygli á.
Nýjung er einnig að nú verða tveir útgáfudagar á ári í stað eins áður. Einnig er verið að bæta við námsefni í list- og verkgreinum á sérstökum listavef. Að loknu kaffihléi héldu umræður og spurningar áfram.
Í lok fundar var Kolbrún með orð til umhugsunar og sagði okkur frá bókinni Strength-based Leadership sem hún er með á náttborðinu. Í máli hennar kom fram að við erum öll leiðtogar og við höfum ólíka styrkleika til að efla leiðtogahæfni okkar.
Fulltrúum Menntamálastofnunar eru þakkaðar góðar móttökur, veitingar og fræðandi upplýsingar.
Fundi slitið kl. 20:00.
fundarritari Birna

Fundur 20. febrúar 2018

Á fund Lambda-deildar 20. febrúar mættu 8 konur og áttu góða stund kringum borðið í stofunni í Skógarseli 43. Gerður setti fund kl. 20:00 og kveikti á kertum. Birna tók við fundarstjórn og gaf orðið til Guðbjargar Emilsdóttur sem fræddi okkur um læsi og lestur fyrr og síðar og kynnti lestrarkennsluaðferðina: Að skrifa sig til lesturs. Þar er lögð áhersla á að börn noti tölvuna til að læra stafina og skrifi orð og texta út frá tali til að læra að lesa. 
Miklar umræður sköpuðust út frá erindi Guðbjargar enda snertir lestur okkur allar í lífi og starfi. Þóra flutti orð til umhugsunar og sagði okkur frá nemanda úr fyrsta árgangi sem hún kenndi og var bráðger, hún telur að kennurum hafi farið nokkuð fram í að koma til móts við einstaklingsbundnar þarfir nemenda sinna.

Fundi var slitið kl. 10:00 og Guðbjörgu og Þóru þakkað fyrir þeirra innlegg.

--------------------------------------------

Fundur í Lambdadeild 13. desember

Alls voru 13 konur voru mættar á jólafundinn 13. desember sem haldinn var í Austurgerði 7 í Kópavogi heima hjá Gerði. Kristín Helga Gunnarsdóttir rithöfundur kom á fundinn og sagði okkur frá tilurð bókar sinnar „Vertu ósýnilegur“ og las fyrir okkur kafla úr henni. Líflegar umræður sköpuðust í kjölfarið enda búum við flestar yfir reynslu af því að vinna með börnum og foreldrum af erlendum uppruna. 
Eftir að hafa gætt okkur á veitingum las Gerður orð til umhugsunar og sagði frá kynnum sínum af tveimur 
erlendum konum sem hún kynntist í vinnu sinni á leikskóla í Noregi. Af þeim lærði hún margt svo sem að meta eigið ríkidæmi.