Síðasti fundurinn 2014

Síðasti fundur deildarinnar verður haldinn og settur fimmtudaginn 27.nóvember og hefst stundvíslega kl. 16:45 í Hönnunarsafni Íslands, Garðatorgi 1, Garðabæ. Þar mun frú Vigdís Finnbogadóttir leiða okkur um sýninguna: Ertu tilbúin, frú forseti? Það er einstakt tækifæri fyrir okkur að fá njóta leiðsagnar frú Vigdísar um þessa rómuðu sýningu. Eftir sýninguna verður farið á veitingastaðinn Aalto þar sem verður hátíðamatur með kaffi. Þar ætlum við að vera um kl. 18:00. Í Norræna húsinu verður dagskrá framhaldið og fluttur verður dagskrárliðurinn Orð til umhugsunar.  Að lokinni dagskrá verður fundi slitið.