Myndir Gamma

Myndir frá haustfundum Gammadeildar 2024

Fundur í Gammadeild haldinn í Landakotsskóla 13.09.22. Kristrún Ísaksdóttir var með orð til umhugsunar. Eva Harðardóttir doktorsnemi og kennari á menntavísindasviði var með fræðsluerindið; Að búa börnin fyrir samtíð, framtíð og sameiginlegan heim.

Fundur Gammadeildar haldinn í Safnahúsi við Hverfisgötu 13. október 2022. Ragnheiður Vignisdóttir safnakennari Listasafns Íslands tók á móti félagskonum og kynnti fjölbreytt fræðslustarf listasafnsins.

Fundur i Gammadeild haldinn í Salnum í Einholti 07.11.22. Renata Pedkóva var með orð til umhugsunar um hversu flókið getur verið að læra íslensku og tók sem dæmi orðið "leiftur". Páll Ólafsson, framkvæmdastjóri farsældarsviðs hjá Barna- og fjölskyldustofu hélt fræðsluerindi um samþættingu þjónustu í þágu farsældar barna.

Jólafundur Gammadeildar var haldinn á heimili Gerðar G. Óskarsdóttur í Kópavogi. Guðrún Edda Bentsdóttir, forseti landssambands Delta Kappa Gamma var gestur fundarins og var með orð til umhugsunar. Ragna Sigurðardóttir, rithöfundur las upp úr bók sinni "Þetta rauða það er ástin". Hildur Jóhannesdóttir stjórnaði og spilaði undir fyrir Gammakonur sem sungu nokkur vel valin jólalög.

Bókafundur Gammadeildar var haldinn á heimili Ingibjargar Jónasdóttur í Reykjavík. Hrefna Sigurjónsdóttir var með orð til umhugsunar um hugvíkkandi efni. Hópnum var skipt í þrjá hópa og ræddu félagskonur annars vegar um bókina Eden eftir Auði Övu Ólasdóttur og hins vegar um bókina Þetta rauða það er ástin eftir Rögnu Sigurðardóttur.

Febrúarfundur Gammadeildar var haldinn í Landakotsskóla þann 07.02.23. Svana Friðriksdóttir var með orð til umhugsunar um börn sem eru að koma til okkar frá útlöndum og þau sem setjast á skólabekk á Íslandi. Salvör Nordal, umboðsmaður barna var með fræðsluerindi um starf Umboðsmanns barna.

Marsfundur Gammadeildar var haldinn í Kerhólum, Borgartúni 12 þann 20.03.23. Ásmundur Einar Daðason, mennta- og barnamálaráðherra var með fræðsluerindi um nýju lögin um samþættingu þjónustu í þágu farsældar barna.