Fréttir

Næsti fundur deildarinnar verður haldinn þriðjudaginn 17.mars  frá kl. 16:30 – 18:00.  Fundurinn verður í Kerhólum, Borgartúni 12 á 7.hæð.  Við höldum áfram okkur okkar striki og kynnum nú menntun í ferðaþjónustu. Við veltum upp þeirri spurningu hvort það skorti tækifæri til menntunar í þessari sístækkandi atvinnugrein sem ferðaþjónustan er hér á landi. Horfum  t.d. á menntun í tengslum markaðssetningu, við móttöku ferðamanna, skipulagningu ferða, umgengni við náttúruna o. fl. Á þennan fund koma þrjár konur sem hafa látið að sér kveða í ferðaþjónustunni, hver á sinn hátt. Þær eru: Margrét Reynisdóttir, sem hefur tvær meistaragráður tengdar ferðaþjónustu, ritað fimm bækur um þá þjónustu og útbúið kennslumyndbönd að auki. María Guðmundsdóttir, fræðslustjóri hjá SAF – Samtökum ferðaþjónustunnar. Ingunn Gísladóttir, sem hefur rekið  heimagistingu í Grjótaþorpinu undanfarin 3 ár.  Hún lýsir reynslu sinni af rekstrinum. Stjórnin hvetur ykkur til að fjölmenna enda býður efni fundarins upp á áhugaverðar umræður. Myndin sem fylgir fréttinni er tekin á fundinum.

Næsti fundur deildarinnar verður þriðjudaginn 27. janúar, kl. 17-18:30. Fundurinn verður jaldinn í Fellaskóla. Aðalfundarefnið er Menntun núna í Breiðholti og mun Stefanía G. Kristinsdóttir kynna verkefnið. Dagskráin verður sem hér segir: Formaður setur fund og kveikir á kertum. Kristín Jóhannesdóttir, skólastjóri, flytur "Orð til umhugsunar". Menntun núna - er tilraunaverkefni mennta- og menningarmálaráðuneytisins, Reykjavíkurborgar og aðila vinnumarkaðarins sem hefur það markmið að auka ráðgjöf og stuðning við menntun í Breiðholti. verkefnið ers taðsett í Gerðubergi. Stefanía G. Kristinsdóttir Fanný Gunnarsdóttir, námsráðgjafi ræðir brottfall unglinga úr framhaldsskóla.  Kaffiveitingar

Síðasti fundur deildarinnar verður haldinn og settur fimmtudaginn 27.nóvember og hefst stundvíslega kl. 16:45 í Hönnunarsafni Íslands, Garðatorgi 1, Garðabæ. Þar mun frú Vigdís Finnbogadóttir leiða okkur um sýninguna: Ertu tilbúin, frú forseti? Það er einstakt tækifæri fyrir okkur að fá njóta leiðsagnar frú Vigdísar um þessa rómuðu sýningu. Eftir sýninguna verður farið á veitingastaðinn Aalto þar sem verður hátíðamatur með kaffi. Þar ætlum við að vera um kl. 18:00. Í Norræna húsinu verður dagskrá framhaldið og fluttur verður dagskrárliðurinn Orð til umhugsunar.  Að lokinni dagskrá verður fundi slitið. 

Haldinn var annar fundur Alfadeildar sl. fimmtudag, 23.10. þar sem Illugi Gunnarsson, menntamálaráðherra, kynnti hvítbókina. Aðalefni fundarins var umfjöllun um hvítbók menntamálaráðherra þar sem hann setti fram hugmyndir sínar um framfarir í læsi annars vegar og hins vegar hvernig koma megi í veg fyrir brottfall úr framhaldsskólum. Konur úr öðrum deildum voru með okkur á fundinum.   

Fyrsti fundur þessa vetrar verður haldinn laugardaginn 13. september í Hannesarholti. Fundurinn hefst kl. 11. Dagskrá fundarins: Formaður býður gesti velkomna og kveikt verður á kertum Sjöfn Sigurbjörnsdóttir flytur orð til umhugsunar og fjallar þar um alþjóðaþing DKG í Indianapolis Sigrún Jóhannesdóttir Deltadeild  hugleiðir stöðu DKG og gerir grein fyrir hugsjónum og markmiðum samtakanna Kristín Jóhannesdóttir flytur hraðfréttir frá fundi framkvæmdaráðs DKG sem haldinn var 6. september Súpa, salat og spjall um vetrarstarfið og fleira

Hjá okkur er fimmti fundur vetrarins framundan og verður hann haldinn þriðjudaginn 29.apríl, kl. 17:30 Fundurinn verður haldinn að Dugguvogi 9, Reykjavík (Gult hús með ljósblárri útihurð). Dagskrá: 1.     Fundur settur og kveikt á kertum. 2.     Skýrsla fráfarandi stjórnar. 3.     Uppstillingarnefnd deildarinnar gerir grein fyrir störfum sínum. 4.     Kjör stjórnar. 5.     Orð til umhugsunar. 6.    Mæðgurnar Embla Ágústsdóttir, sem lýkur BA prófi í félagsfræði nú í vor, og Guðrún Hjartardóttir, verkefnastjóri        á skóla- og frístundasviði Reykjavíkurborgar, segja frá reynslu sinni og skólagöngu Emblu á öllum fjórum                  skólastigunum; leikskóla, grunnskóla, framhaldsskóla og háskóla. Frásögn þeirra er áhrifarík og lætur engan            ósnortinn. 7.     Léttar veitingar og notaleg samvera. 8.     Önnur mál. 9.     Fundi slitið.

Sigrún Klara Hannesadóttir hlaut í ágúst æðstu viðurkenningu DKG samtakanna, International Achievement Award, í Amsterdam í sumar. Þessi viðurkenning er veitt konu sem lagt hefur á sig mikið og óeigingjarnt starf í þágu samtakanna.  Einnig hlaut Kristín Jóhannesdóttir viðurkenningu í tilefni af Degi íslenskrar tungu. Viðurkenningin var afhent á málræktarþingi Íslenskrar málnefndar sem haldið var fimmtudaginn 14. nóvember 2013 í  en þema þess var Íslenska sem annað mál og börn með erlendan bakgrunn í íslensku skólakerfi​. Kristín er skólastjóri Fellaskóla, þar sem rúmlega helmingur nemenda býr við annað tungumál en íslensku á heimili.  Sjöfn Sigurbjörnsdóttirvar tilnefnd í "Nomination Committee" og verður valin í á næsta alþjóða þingi  2014. Hér er um mikið embætti að ræða og Sjöfn er fyrsta íslenska konan til að gegna því.  Við samgleðjumst þeim stöllum og óskum þeim innilega til hamingju.

Jólafundur Alfadeildar verður haldinn í Safnaðarheimili Grensáskirkju fimmtudaginn 5. desember kl. 18:00. Jólahangikjöt verður á borðum og rithöfundur kemur í heimsókn og les upp úr bók sinni. Sjá dagskrá hér.

Inntökufundurinn  sem haldinn var þann 7.september var  ftirminnilegur enda gaman og hátíðlegt að taka inn fimm nýjar konur í deildina okkar. Að auki hefur Guðríður Sigurðardóttir ákveðið að koma aftur í deildina okkar þannig að okkur hefur heldur betur vaxið fiskur um hrygg :-)

Alfa-systur áttu mjög notalega samverustund með konum úr Þeta-deild laugardaginn 13. apríl en það er einmitt eitt af markmiðum vetrarins að efla tengslin á milli deilda. Við hittumst á Hótel Marina við Mýrargötuna og byrjuðum á að skoða þetta glæsilega hótel sem búið er að starfa í eitt ár. Síðan hófst fundurinn formlega með því að kveikt var á kertum og síðan snæddum við saman gómsætan brunsj sem var á boðstólum. Meðan á því stóð flutti Bryndís Guðmundsdóttir, Þetasystir, okkur orð til umhugsunar. Þessum ánægjulega fundi lauk síðan með göngferð um bryggjusvæðið í vorblíðunni, bjart var í veðri og fallegt þó blési að norðan. Myndir.