Fréttir

Næsti fundur verður þriðjudaginn 15. apríl og þetta er aðalfundurinn! Við hittumst á sama tíma og venjulega, kl. 18.30, í Menntaskólanum. Auk venjulegra aðalfundarstarfa þá tökum við nýjar konur inn í félagið. 

Við Jóta-konur áttum saman góða stund í Háskólasetrinu. Herdís Pála fræddi okkur m.a. um markþjálfun og Steinunn var með orð til umhugsunar. Við nutum gestrisni Kristínar í Háskólasetrinu og þáðum hjá henni dýrindis pasta.

Næsti fundur verður fimmtudaginn 20. marz í Háskólasetri. Að þessu sinni kynnum við okkur markþjálfun.

Nú styttist í bókafundinn en hann er áætlaður 20. janúar, ennþá er því tími til að undirbúa sig og skella sér í að lesa skemmtilegar bækur :-)

Hún Soffía okkar var sæmd fálkaorðunni þann 1. janúar s.l. og er hún vel að því komin. Við óskum henni innilega til hamngju !

Soffía Vagnsdóttir var með erindi í vísindaporti 25. október sem nefndist "Bolungavík - breyta þorpi í þjóðbraut" en það  er heiti lokaritgerðar hennar í meistaranámi í menningarstjórnun.

Á fyrsta fundinum ætlar Kristín Ósk að segja frá M.A ritgerð sinni. Bryndís verður með orð til umhugsunar og þær Sigurlína og Dagný sjá um matinn. Við fáum tvo gesti á fundinn sem ætla að kynna sér félagsskapinn. Að venju byrjar fundurinn kl. 18.30. 

Nú eru komnar dagsetninga á fundina hjá okkur í vetur en dagskráin er ekki alveg komin á hreint svo hún verður birt um leið og allt er klappað og klárt. Fyrsti fundur er 24. september. Þann 26.10 verður ráðstefnan okkar. Síðasti fundur fyrir jól verður 26. nóvember. Við hefjum svo nýtt ár með fundi 20. janúar. Fram til vors hittumst við 18 febrúar, 20 marz og 20. apríl. Þann 10. maí verður landssambandsþing DKG haldið á Ísafirði og við endum starfið á vorferð 23. maí.

Næsti fundur hjá okkur er mánudaginn 22. apríl og hefst stundvíslega kl. 18.30. Hittumst í kjallaranum á Hlíf 2 en þar er Marta Ernstdóttir með aðstöðu.