Fundur í European Forum nefndinni

Fundur var haldinn í European Forum nefndinni dagana 5.–7. nóvember í Freudenstadt í Þýskalandi. Ingibjörg Jónasdóttir sótti fundinn fyrir Íslands hönd að þessu sinni og er fundargerðin komin á vef European Forum.

Aðalverkefni Forum er að finna samhljóm landa innan Evrópusvæðisins, undirbúa eins dags námskeið fyrir ráðstefnuna (Pre-Conference), sem að þessu sinni er 2. ágúst 2011 og tveggja tíma fund í lok ráðstefnunnar þar sem fjallað er um lög Forum, reglugerðir, markmið og verkefni. Sá fundur er svæðafundur Evrópulandanna.

Námskeiðið eða málstofan 2. ágúst (Pre-Conference) mun fjalla um menntastöðu kynjanna, læsi og kennslu barna með ólíkan félagslegan bakgrunn. Yfirskrift dagsins verður “Educational challenges in the 21st Century": `Haven`t you heard, Miss, us boys don`t read´.

Æskilegt er að það komi innlegg frá hverju landi og óskum við hér með eftir tillögum. Vinsamlega sendið þær til landssambandsforseta sem fyrst en í allra síðasta lagi fyrir 15. desember, þar sem dagksráin þarf að vera fullgerð fyrir 15. janúar.