2. fundur

Þema fundarins:  Kynning á nýjum kennsluháttum og nemendalýðræði á unglingastigi í Norðlingaskóla með áherslu á „flipped classroom“.

Fundur skipulagður af Etasystrunum: Sif, Ágústu, Bryndísi S. Brynhildi Önnu og Magneu

Auður formaður setti fundinn og bauð fundargesti velkomna í Norðlingaskóla.

Máltíð: Á borðum var dýrindissúpa, heimabakað gómsætt brauð og létt salat matreitt af kokki skólans. Á eftir var kaffi og konfekt.

Dagskrá: Sif Vígþórsdóttir skólastjóri Norðlingaskóla kynnti fyrirlesara kvöldsins, Ragnar Þór Pétursson kennara á unglingastigi skólans. Ragnar fór í stórum dráttum yfir fyrirkomulag og markmið í kennslu unglingastigsins. Unglingastigið er kallað ULLONOLLÓ. Áhersla kennslunnar er á mikilvægi traustsins að nemendur læri að bera ábyrgð og hve mikilvæg gleðin er í öllu starfi. Unnið eru eftir 6  meginmarkmiðunum sem eru: traust, ábyrgð, gleði, samvinna, sköpun og fjölbreytni. Þá lagði Ragnar áherslu á að allt nám barnsins byggði á þeirra eigin styrku sjálfsmynd og að stefna skólans væri að nemendur finni sig á staðanum, finni fyrir vellíðan og við útskrift úr 10. bekk sé markmiðið það að það sé ánægt og lífsglatt ungmenni. Í lokin fór Sif með okkur um skólann þar sem ungmennin voru að vinna að því að undirbúa sig fyrir Skrekk og var afar ánægjulegt að heyra þau segja við okkur miðaldra konurnar, Velkomin í skólann okkar. Þau eru stolt af skólanum sínum. Að loknum mjög ánægjulegum og fræðandi fyrirlestri var Ragnari þakkað með rauðri rós.

Meðan við nutum súpunnar góðu sagði Auður okkur frá að tvær konur hefðu sagt sig frá þátttöku í samtökum DKG eða þær Elísabet Gunnarsdóttir og Guðlaug Sjöfn. Umræður voru um fjölgun kvenna í Etadeild og hvatti Auður okkur til að hafa augun opin fyrir nýjum félagskonum. Sif var með upplýsingar um konu sem hún mælti með og lét Auði hafa upplýsingar um hana.

Sif las fyrir okkur brag sem bróðir hennar Börkur Vígþórsson hafði fært henni á afmælisdegi hennar í haust, gamanmmál og var að honum gerður góður rómur. Voru það orð til umhugsunar að þessu sinni.

Mættar voru á fundinn: Sif, Bryndís S, Ágústa, Magnea, Auður, Ingibjörg, Kristín Helga, Brynhildur Anna, Margrét, Guðrún Geirsd, Soffía, Anna Sigr, Ragnheiður, Hafdís, Kristín Ó, Guðrún Hrefna. 16 konur.

Ánægjulegum og afar áhugaverðum fundi lauk um kl. 20:30.

Magnea Ingólfsdóttir