Þriðjudaginn 15. maí verður aðalfundur deildarinnar haldinn á Nauthól kl. 20:00
01.05.2012
Kæru Etasystur.
Þriðjudaginn 15. maí verður aðalfundur deildarinnar haldinn á Nauthól kl. 20:00 (ath. breytingu frá hefðbundnum fundartíma). Auk
hefðbundinna aðalfundarstarfa verða teknar inn tvær nýjar konur:
Ágústa Unnur Gunnarsdóttir og Ragnheiður Jóna Jónsdóttir. Síðan verður 15 ára afmælis deildarinnar minnst með
afmæliskaffi. Nánar verður skýrt frá dagskrá þegar nær dregur. Ef einhver er með í fórum sínum tónlistaratriði
eða skemmtiatriði þá væri það vel þegið!
Vorþingið s.l. laugardag var alveg sérlega vel heppnað og má það m.a.
þakka frábæru starfi menntanefndar. Þar átti sæti f.h. Etadeildar Guðrún Geirsdóttir og er henni hér með þakkað
sérstaklega. Þarna voru um 90 konur, þar af 12 úr okkar deild. Dagskráin var glæsileg, fyrirlestrar fróðlegir, skemmtilegir og uppörvandi.
Umræður í hópum tóku á ýmsum málum varðandi starfsemi DKG og er ástæða til bjartsýni.
Njótið 1. maí.
Með kveðjur f.h. stjórnar
Auður
