Fréttir

Lokafrestur til að senda inn tilnefningar félagskvenna í alþjóðlegar nefndir nálgast óðum en lokadagur er 15. október. Það er mjög mikilvægt að þær konur sem ætla sér að senda inn meðmæla- og/eða stuðningsbréf vegna slíkra tilnefninga fari á heimasíðu alþjóðasambandsins (http://dkg.org/) og kynni sér upplýsingar um breytingar á forminu sem notað er. Kynnið ykkur vel á hvern hátt þið getið best komið stuðningi ykkar á framfæri. Upplýsingarnar er að finna vinstra megin á forsíðu vefsins undir krækjunni „Nominating leaders for 2014“  

Skoðið fréttabréf  Education Foundation og munið að sækja um styrk til þeirra. Þar er hægt að fá styrki fyrir alls kyns verkefni, stór og smá.

Þær Alma Dís Kristinsdóttir Lamdadeild og Kristín Jónsdóttir Gammadeild verða fulltrúar okkar á fyrsta undirbúningsfundi Alþingis fyrir 100 ára afmæli kosningaréttar íslenskra kvenna 2015. Þær koma til með að taka þátt í umræðum og síðan kosningu á fimm manna nefnd sem mótar endanlega tillögur og annast undirbúning fyrir afmælisárið. Við óskum þeim Ölmu Dís og Kristínu góðs gengis.

DKG hefur borist bréf frá Alþingi þar sem okkur er boðið að senda 1-3 konur á undirbúningsfund, ásamt fulltrúum sem flestra samtaka íslenskra kvenna, vegna 100 ára afmælis kosningaréttar og kjörgengi íslenskra kvenna 19. júní 2015.

Dagskrá Pre-Conference Seminar sem haldið verður þriðjudaginn 6. ágúst 2013, frá kl. 9:00 – 16:00, er nú tilbúin til útprentunar. Umræðuefni dagsins verður eins og kynnt hefur verið áður: Menntun fyrir alla (Education for everyone). Við vonumst eftir góðri umræðu og skoðanaskiptum.

Vorfréttabréfið okkar er komið út og er hægt að nálgast það hér á vefnum. Vakin er athygli á að hægt er að nálgast skýrslur deilda og nefnda frá því á síðasta landsambandsþingi á sama stað.

Eftirfarandi bréf barst til okkar DKG hér á Íslandi í gær: I am member of Delta Kappa Gamma (Alpha Kappa chapter/Mu State USA) who will visit Reykjavik August 9-10. I would like to meet members of Delta Kappa Gamma. If you or your DKG sisters will be available August 10, please reply. I will stay at the Center Hotel Plaza. I know my time in Reykjavik coincides with the DKG European regional conference in Amsterdam; however, I hope some members will still have time to meet with me. Thank you, Gale A. Workman, Ph.D. gale_workman@hotmail.com

Júlí - ágústheftið af Strenghtening the Buzz er komið á vefinn hér undir Útgáfumál - The Buzz

Þær sem ætla á Evrópuþingið til Amsterdam eru minntar á að skrá sig fyrir 7. júní. Eftir þann tíma hækkar gjaldið úr 99 evrum í 150.

Á undan Evrópuþinginu í sumar, þriðjudaginn 6. ágúst, heldur Forum nefndin „Pre Conference“. Umræðuefnið er Menntun fyrir alla. Þar munu verða innlegg nokkurra landa um það sem er efst á baugi í Evrópulöndum. Þær sem ætla að taka þátt eru beðnar að tilkynna þátttöku til Ingibjargar Jónasdóttur á netfangið ij@host.is. Gjaldið fyrir daginn, 20 Evrur, er innheimt við upphaf dagskrár og er hádegismatur innifalinn. Nánar má lesa um starfsemi Evrópuforum í pistli frá formanni þess, Ingibjörgu Jónasdóttur.