Fréttir

Nú er búið að uppfæra félagatalið og setja það hér á vefinn undir krækjunni Félagar. Ef enn leynast villur í skránni eru félagskonur vinsamlegast beðnar um að senda leiðréttingu til Elínborgar Sigurðardóttur formanns Félaga- og útbreiðslunefndar á netfangið elinborg@skolasud.is  

Kristín Jónsdóttir í Gammadeild situr í alþjóðlegu félaga- og útbreiðslunefndinni sem fulltrúi Evrópu. Hún hefur tekið saman pistil um fund sem hún sótti til Austin í Texas í lok september og er hann kominn á vefinn á þessari slóð. Fljótlega er von á fleiri slíkum pistlum um starfið í alþjóðlegu nefndunum, en eins og sjá má á þessari síðu, sitja sjö íslenskar konur í alþjóðlegum nefndum árin 2012–2014.

Kristín Steinarsdóttir, félagi í Eta deild frá 2004, lést á Landspítalanum við Hringbraut 12. nóvember síðastliðinn eftir erfið veikindi. Við Delta Kappa Gamma systur minnumst hennar með þakklæti í huga fyrir vel unnin störf í okkar þágu og vottum aðstandendum okkar dýpstu samúð.  Guð blessi Kristínu Steinarsdóttur.

Síðastliðið sumar var alþjóðasambandsþing DKG haldið í New York. Þingið sátu níu konur frá Íslandi. Guðbjörg Sveinsdóttir í Þetadeild, gjaldkeri landssamtakanna, var ein af þessum konum. Hún hefur nú tekið saman stuttan og fræðandi pistil um ferðina sem gaman er að kynna sér.

Á fyrsta fundi Betadeildar þetta haustið var ákveðið að nefna þema vetrarins: „Konur fræða konur“. Ætlunin er að vinna út frá 7. markmiði samtakanna sem hljóðar svona:  Að fræða félagskonur um það sem efst er á baugi í efnahagsmálum, félagsmálum, stjórnmálum og menntamálum og stuðla með því að vaxandi skilningi og virkri þátttöku þeirra í samfélagi þjóðanna.

Konur úr Alfa deild lögðu land undir fót og heimsóttu Þeta deildar konur þann 1. nóvember.  Þær létu engar veðurspár aftra sér frá skemmtilegu ferðalagi og fóru saman með rútu frá Perlunni. 

Þó enn sé bara 2. nóvember er rétt að minna á að frestur til að sækja um styrkinn International Scholarship rennur út 1. febrúar. Alltaf er gott að hafa góðan tíma til undirbúnings slíkra umsókna því ýmis skilyrði þarf að uppfylla :-)  

Þann 14. október síðastliðinn var DKG landsamband stofnað í Japan, það átjánda í röðinni. Af því tilefni sendi landssambandsforseti okkar heillaóskir til Japan og fékk eftirfarandi svar:

Búið er að ákveða dagskrá gönguferðanna fyrir október og nóvember. Farið verður frá Nauthól, eins og alltaf, kl. 17:30 alla þriðjudaga. Það er,  30.okt. og í nóv.  - 06. - 13. - 20. - 27.  Margrét Jónsdóttir íþróttakennari leiðir gönguna.  Í desember og janúar tökum við frí frá gönguferðunum en förum síðan yfir stöðuna. Allar DKG konur eru hvattar til að drífa sig í skóna, setja á sig húfuna og koma í skemmtilega klukkutíma gönguferð og hitta aðrar DKG konur.

Þær systur okkar í Oregon State eru búnar að birta fréttabréfið sitt þetta haustið og er hægt að nálgast það á þessari slóð: http://www.deltakappagamma.org/OR/oretrail/Fall2012TrailColor.pdf