Fréttir

Við í DKG hér á Íslandi höfum hafið samvinnu við Skotturnar, sem eru opinn samstarfsvettvangur kvenna, sprottinn upp úr grasrót íslensku kvennahreyfingarinnar. Honum er ætlað að virkja allar konur til aðgerða í þágu jafnréttisbaráttu kvenna, með kvennafrídaginn sem útgangspunkt. Sjá nánar: http://kvennafri.is/skotturnar.

Sameinuðu þjóðirnar gerðu 8. september að alþjóðadegi læsis árið 1965. Það var þó ekki fyrr en árið 2009 að Háskólinn á Akureyri og Amtsbókasafnið efndu til samvinnu í því skyni að vekja athygli á mikilvægi læsis fyrir líf og starf.

Sigrún Jóhannesdóttir í Deltadeild hefur tekið saman pistil um alþjóðasambandsþingið í Spokane síðastliðið sumar. Pistil Sigrúnar má finna undir Þinghald hér til hliðar í valmyndinni. Einnig eru nokkrar myndir frá þinginu í myndasafninu. Ágætis umfjöllun um þingið má einnig finna í fréttabréfi breska landssambandsins

International Speakers Fund er prógramm á vegum DKG sem sett var á laggirnar árið 1984 og hefur það að markmiði að styrkja fyrirlestrahald félagskvenna á ráðstefnum og fundum samtakanna. Efnið sem þú getur boðið upp á að tala um er annað hvort efni sem þú ert að vinna við, læra um eða jafnvel hefur sem áhugamál.

Kate York er nýr Evrópuforseti 2010-2012. Kate er bresk og hefur verið fulltrúi Evrópu í "Membership"nefnd alþjóðasambandsins síðasta tímabil. Hún tekur við af Birgit Svensson frá Svíþjóð.

Alþjóðaforseti DKG er Dr.Jensi Souders, 1. varaforseti Alice L. Carrier, 2. varaforseti Dr. Beverly Helms.

Alþjóðaþing DKG var haldið  í Spokane í Washingtonfylki dagana 22. - 26.júlí. Fjórar konur frá Íslandi sóttu þingið. Sigrún Klara 2. varaforseti alþjóðasamtakanna, Ingibjörg Jónasdóttir forseti landssambandsins, Sigrún Jóhannesdóttir og Anh-Dao Tran.

Fjórar íslenskar konur verða í alþjóðlegum nefndum fyrir alþjóðasamtökin á næsta tímabili alþjóðaforseta, 2010-2012. Þær eru: Sjöfn Sigurbjörnsdóttir Alfadeild í Leadership Committee Herhta W. Jónsdóttir Gammadeild í Membership Committee Sigríður Ragnarsdóttir Iotadeild í Education Excellence Committee Jóhanna Einarsdóttir Gammadeild í Educator´s Award Committee Sigrún Klara Hannesdóttir var valin í Editorial Board næstu fjögur árin  eða 2010-2014.

Nú er vorfréttabréfið komið á vefinn en eins og ykkur rekur ef til vill minni til var ákveðið að það yrði einunguis birt á vefnum en ekki prentað og dreift til félagskvenna. Við minnum þó deildir á að prenta blaðið út fyrir þær félagskonur sem ekki eru tölvutengdar.

Myndir frá vorþinginu í Lágafellsskóla 17. maí síðastliðinn ásamt myndum frá leiðtoganámskeiðinu sem haldið var deginum áður, eru komnar á vefinn hér undir Myndir