Fréttir

Nýjasta eintakið af Euforia er komið á vefinn! Vakin er athygli á örstuttri kynningu um Evrópuþingið næsta sumar sem fylgir með blaðinu.

Landssöfnun Rauða krossins "Göngum til góðs"  fyrir börn í neyð fer fram 6. október. Auðvelt er að leggja málinu lið með því að gerast sjálfboðaliði í rúma klukkustund.

Þá er komið að því.  Margrét Jónsdóttir íþróttakennari er tilbúin að spássera með okkur DKG konur um Öskjuhlíðina, einu sinni í viku og láta okkur gera nokkrar sveiflur í leiðinni.  Fyrsta gönguferðin verður farin miðvikudaginn 03. október klukkan 17:30 frá Nauthóli í Nauthólsvík.  Í þeirri gönguferð verður ákveðið,  hvernig framhaldinu verður háttað. 

Í nýjasta hefti Bulletin blaðsins er að finna viðtal Dr. Sigrúnar Klöru Hannesdóttur í Alfadeild við Dr. Allyson Mcdonald prófessor á Menntavísindasviði Háskóla Íslands. Viðtalið ber heitið Learning and Living Internationally . . . With a Finger on the Future og er að finna á bls. 49.

Hressar DKG skelltu sér í skemmtiskokkið " FUN RUN " í Reykjavíkurmaraþoninu 18. ágúst síðastliðinn.

Á alþjóðasambandsþinginu sem haldið var í New York  núna í lok júlímánaðar var kosinn nýr alþjóðaforseti til næstu tveggja ára og ný stjórn alþjóðasambandsins. Það var Dr. Beverly H. Helms sem var kosinn forseti og má lesa ræðuna sem hún flutti við það tækifæri hér. Einkunnarorð hennar fyrir næstu tvö árin eru: Sharing out Vision. Strenghtening our Society.  Þess má einnig geta að ný stjórn í Evrópu Forum fyrir næstu tvö árin (2012–2014) hefur verið kosin og má sjá hverjir sitja í þeirri stjórn á Evrópuvefnum.

Föstudaginn 29. júní nk. fer fram doktorsvörn við Læknadeild Háskóla Íslands. Þá ver Elín Ólafsdóttir doktorsritgerð sína „Áhrif efnaskipta- og umhverfisþátta á myndun sykursýki af tegund 2 og breytingar á dánartíðni tengdar sykursýki á tímabilinu 1993 til 2004.

Vorhefti fréttabréfsins okkar árið 2012 er komið á vefinn, stútfullt af efni. Fréttabréfið má nálgast undir hlekknum Útgáfumál hér til hliðar í veftrénu, eða á þessari slóð

Þeir félagar í Delta Kappa Gamma sem hyggjast flytja erindi á annaðhvort alþjóðasambandsþingi eða Evrópuþingi gefst kostur á að sækja um eilítinn styrk til fararinnar hjá landsambandsstjórn. Umsóknareyðublað vegna styrksins má bæði finna á þessari slóð og þessari og þarf að sækja um styrkinn með góðum fyrirvara áður en til fararinnar kemur.  Ákvörðun um styrkupphæð er tekin hverju sinni.

Laugardaginn 2. júní hélt Betadeild upp á 35 ára afmæli sitt. Á þeim tímamótum er tilefni til að heiðra konu fyrir vel unnin störf að mennta- og/eða menningarmálum og hefur deildin gert það á fimm ára fresti. Að þessu sinni varð Rósa Guðrún Eggertsdóttir sérfræðingur á miðstöð skólaþróunar við Háskólann á Akureyri fyrir valinu en hún hefur lagt mikið að mörkum til menntamála.