Fréttir

Alþjóðlega Membership nefndin hefur sent frá sér nýtt Membership Memo (mars/apríl 2014). Nálgast má öll eldri eintök af Membership memo á þessari slóð: https://www.dkg.org/category/committee/membership 

Það er gaman að geta sagt frá því að ein af Betasystrum, Jónína Hauksdóttir formaður deildarinnar, fékk á dögunum 1.057 dollara styrk úr Lucile Cornetet sjóðnum, nánar tiltekið þeim hluta hans sem kallast Individual Awards for Professional Development. Sá hluti sjóðsins styrkir konur sem vinna í fræðslustörfum (ekki bara DKG konur) til að sækja ráðstefnur og aðra viðburði er tengjast menntun (Conferences, Seminars, Lecture series, National certification, Online courses, Workshops and other non-degree programs).

Bryndís Guðmundsdóttir félagi í Þetadeild hefur verið ráðin skólastjóri Myllubakkaskóla. Við sendum henni hamingjuóskir og óskum henni velferðar í starfi.

Nýjasta Strenghtening the Buzz er komið á vefinn hér undir Útgáfumál – The Buzz.

Eru ekki örugglega allar búnar að skrá sig á vorþingið og panta sér sæti í kvöldverðinn hjá henni Jónu Benediktsdóttur?

Við vekjum athygli á þessari ráðstefnu RannUng sem haldin verður í Bratta, Menntavísindasviði HÍ, föstudaginn 25. apríl frá kl. 13–16:30. Skráning er hafin á þessari slóð: http://menntavisindastofnun.hi.is/node/823

Alþjóðlega Communications og Publicity nefndin hefur tekið saman lista yfir vefsíður og „öpp“ sem gagnast gætu kennurum og þeim sem starfa við fræðslu. Vonandi gagnast þessi listi einhverjum! 

Samantekt um síðasta landsambandsþing sem haldið var að Hótel Heklu 4.-5. maí 2013 er komin á vefinn. Við þökkum Rósu Mörtu Guðnadóttur í Epsilondeild kærlega fyrir samantektina.

Þá er dagskrá vorþingsins sem verður haldið 10. maí á Ísafirði tilbúin, og komin á vefinn. Nú er um að gera að drífa í að panta gistingu (ef því er ekki þegar lokið), staðfesta skráningu með því að borga ráðstefnugjaldið og senda henni Jónu Benediktsdóttur pöntun á hátíðarkvöldverðinn.

Stjórnin auglýsir eftir sjálfboðaliða í European Forum nefndina.  Í Forum nefndinni, European Forum Committee, sitja fulltrúar frá öllum þátttökulöndunum níu. Evrópuforsetinn situr einnig í nefndinni sem ex-officio. Aðalverkefni Forum er að finna samhljóm landa innan Evrópusvæðisins, vera umræðutorg um áhugaverð málefni sem sameinar okkur sem DKG konur í samfélaginu.