Fundur haldinn í Zetadeild, þriðjudaginn 27. september 2016 í Grunnskóla Eskifjarðar.

Formaður, Helga Steinsson setti fundinn og greindi frá efni fundarins. Hún fór yfir stofnun samtakanna, tilgang þeirra og markmið.  Helga benti einnig á mikilvægi þess að félagskonur tækju að sér formannshlutverkið til þess að kynnast starfinu enn betur.   Orð til umhugsunar flutti Halldóra Baldursdóttir og sagði hún okkur frá skólasögu Eskifjarðar í tilefni af 230 ára kaupstaðarafmæli Eskifjarðar sem haldið var upp á nú í haust. Eftir fundinn var haldið á Hótel Eskifjörð og snædd kjúklingasúpa. Síðan var haldið heim í köldu og fallegu haustveðri með dansandi norðurljósum.