Vetrarstarfið 2010-2011

Sælar góðu systur í Zetadeild Starf í deildinni hófst þetta haustið með landssambandsfundi  DKG sem haldinn var í Hafnarfirði 4. september. Þar var ég leidd í sannleikann um mikilvægi þess að lykilkonur í fræðslustörfum fái tækifæri til að hittast og deila sameiginlegum áhuga, reynslu og metnaði sem fylgir því að vinna að fræðslu ýmiskonar.

15. september  síðastliðinn héldum við stjórnarkonur svo okkar fyrsta fund og ég kveikti í fyrsta skipti á kertunum góðu sem standa fyrir vináttu, trúmennsku og hjálpsemi. Við ræddum ýmislegt sem þið getið lesið í fundargerð sem ritari mun senda ykkur von bráðar. Aðalþema vetrarins  er fagvitund í fyrirrúmi, mjög áhugavert og verður einnig aðalþemað hjá öðrum deildum í samtökunum.

Við höfum sett upp skipulag yfir fundi vetrarins þar sem fyrsti fundurinn  verður 4. október á Breiðdalsvík,  efni hans verður það sama og ákveðið var í vor. Skoðið töfluna hér fyrir neðan.

UMSJÓN MEÐ FUNDUM

Formið er það sama og í fyrra að þið félagskonur fái tækifæri til að koma því á framfæri sem þið getið með því að hafa umsjón með innihaldi funda en að aðalþemað sé fagvitund okkar.

Það er hugmynd okkar að þið félagskonur komið t.d. með tillögu að kynningaraðila á verkefni eða öðru sem eflir fagvitund okkar. Kynningaraðila fynduð þið í röðum kennara eða annars fagfólks sem þið þekkið. Þetta eru hugmyndir okkar sem við vonum að ykkur líki við.

 

Dags. og fundart.	Staður	Umsjónarmenn	Orð til umhugs.	Meginefni fundar
4. október Kl. 18	Breiðdalsvík	Anna Margrét og Helga Hr.	Steinunn	Bætt heilsa- betra líf
9. nóvember Kl. 18	Fáskrúðsfjörður	Líneik, Hildur og Jórunn	Elín	Fagvitund
8. desember Kl. 18	Hallormsstaður	Lára og Rut	Helga Magnúsar	Fagvitund - jólafundur
17. mars Kl. 18	Egilsstaðir	Ólöf, Anna María og Kristín	Helga Guðmunds	Fagvitund
11. apríl Kl. 18	Eskifjörður	Sigga Dís og Halldóra	Guðlaug	Fagvitund
10. maí Kl. 18	Stöðvarfjörður	Guðrún og Þóranna	Jarþrúður	Fagvitund

 

Það er ein spurning sem alltaf hlítur að brenna á félagskonum. Af hverju að vera í Delta Kappa Gamma? Svar mitt er t.d. það að vegna þess að þetta er vettvangur okkar til að tengjast og að eflast sem konur í kennslu  og fræðslu á öðrum vettvangi en á vinnustað og heima hjá okkur. Það stendur misjafnleg á hjá okkur eftir dögum,  mánuðum og árum, en mikilvægast er að láta sig ekki vanta of oft á fundi því þá er hætta á að tengslin rofni alveg. Ef einhverjum líður þannig þá er bara að hressa upp á félagsskapinn og koma á fundi.

Ég vona að það komi sér vel hvernig fundirnir raðast.

Bestu Zeta kveðjur,

Hrefna Egilsdóttir

Formaður Zetadeild Austurlandi