Fréttir

Aðalfundur Zetadeildar haldinn í Óbyggðasetrinu í Fljótsdal 17. maí 2018.

Vorþing haldið á Egilsstöðum 5.5. í umsjón Zetadeildar og menntamálanefndar DKG. Þemað var Sköpun, gróska og gleði. Á sjötta tug kvenna sótti þingið.

Óveðursfundur, þar kom að því.

Inntökufundur var haldinn á Hótelinu á Eskifirði 1. mars þar sem fimm konur gengu til liðs við Zetadeild DKG við hátíðlega athöfn. Þetta var mjög ánægjuleg stund í alla staði og bjóðum við þær innilega velkomnar í félagsskapinn!

Starf zeta deildar haustið 2017 Í haust hafa verið haldnir 3 fundir í Zeta deild. Vinnufundur var haldinn á Reyðarfirði í september og vetrarstarfið skipulagt. Ákveðið var að þema vetrarins yrði listir í leik og starfi.

Skemmtilegur og fjölbreyttur fundur í umsjón þeirra Bjargar og Jórunnar. Fundurinn hófst í Norðurljósahúsinu á Fáskrúðsfirði.

Gestur fundarins var Jón Ingi Sigurbjörnsson og sagði hann okkur frá fornleifauppgreftri á fjallkonunni á Vestdalsheiði.

Formaður setti fundinn og Hildur Vala kveikti á kertunum. Helga las upp markmið félagsins og  minnti á vorráðstefnuna á Akureyri í maí. Síðan tóku þær: Hildur Vala, og Steinunn við fundarstjórn. Hildur Vala var með orð til umhugsunar og ræddi um þau vandamál og áhyggjur sem við berum með okkur og hvað er til ráða. Hún las vers úr Hávamálum sem fjalla um áhyggjur og sjálfsgagnrýni og hve fánýtt það sé að gera sér áhyggjur. Breytum því sem við getum og höfum ekki áhyggjur af hinu. „Don´t worry, be happy“. Umræður sköpuðust um orð Hildar Völu. Halla Höskuldsdóttir leikskólastjóri sat fundinn með okkur og eftir að hafa snætt kjúklingasalat fórum við í heimsókn með Höllu á nýja leikskólann, Eyrarvelli sem tók til starfa nú í ágúst.    

Hittumst á Café Nilsen á Egilsstöðu. Fundurinn var í umsjón þeirra: Helgu Guðmunds, Kristínar og Ruthar. Kristín Hlíðkvist flutti orð til umhugsunar og sagði frá aðdraganda að kvennafrídegi 1975. Hún sagði okkur frá þremur konum í Búðardal, sem tóku þá góðu ákvörðun að fara til Reykjavíkur og taka þátt í útifundi þar. Rætt var um mikilvægi samstöðu kvenna og að gera þurfi hana sýnilegri. Helga minnti okkur á vorráðstefnuna á Akureyri í byrjun maí og hefur nú þegar verið bókaður sumarbústað í Kjarnaskógi svo vonandi hafa einhverjar félagskonur tök á að fara norður.   Eftir fundinn var haldið í Sláturhúsið, Menningarmiðstöð Fljótsdalshéraðs. Þar tók Íris Sævarsdóttir á móti okkur og sagði okkur frá starfseminni og starfi sínu sem fræðslufulltrúi. 

Formaður, Helga Steinsson setti fundinn og greindi frá efni fundarins. Hún fór yfir stofnun samtakanna, tilgang þeirra og markmið.  Helga benti einnig á mikilvægi þess að félagskonur tækju að sér formannshlutverkið til þess að kynnast starfinu enn betur.   Orð til umhugsunar flutti Halldóra Baldursdóttir og sagði hún okkur frá skólasögu Eskifjarðar í tilefni af 230 ára kaupstaðarafmæli Eskifjarðar sem haldið var upp á nú í haust. Eftir fundinn var haldið á Hótel Eskifjörð og snædd kjúklingasúpa. Síðan var haldið heim í köldu og fallegu haustveðri með dansandi norðurljósum.