Annáll Þetadeildar 1998–2024

2022 - 2024

Skýrsla um starf Þetadeildar 2022 - 2024

2023 - 2024

2022 - 2023

Stjórn Þetadeildar var kosin á vorfundi deildarinnar 2022. Aðeins ein úr stjórn hélt áfram, aðrar sem komu inn voru nýjar í stjórn. Lóa Björg Gestsdóttir sem hafði verið meðstjórnandi er formaður, Ingibjörg Sif Stefándóttir er ritari, Hólfríður Árnadóttir og Ingibjörg Guðmundsdóttir eru meðstjórnendur. Gjaldkeri er fyrir utan stjórn en situr fundi og tók Guðbjörg Sveinsdóttir að sér starf gjaldkera.

Fyrsta verk nýrrar stjórnar var að velja þema til næsta starfsárs og var ákveðið að leggja áherslu á gleðina í leik og starfi. Einnig var ákveðið að koma vel til baka eftir að starfið hafi legið í hálfgerðum dvala s.l. tvö ár og stefna markvisst á það að efla hópinn skref fyrir skref.

Félagskonur Þetadeildar voru í upphafi tímabils voru 28, 5 félagskonur tóku sér leyfi í 1 ár. Í janúar á þessu ári lést Guðríður Helgadóttir félagi í Þetadeild, blessuð sé minning hennar. Ein félagskona var tekin inn á vorönn og ein félagskona kom frá Nýdeild. Við lukum því starfsárinu með 30 virkum félagskonum.

Innihald funda.

Á fyrsta fundi vetrarins fórum við yfir dagskránna, lögðum góðan grunn að þema vetrarins. Guðbjörg Sveinsdóttir var með orð til umhugsunar þar sem hún gerði fyrrum DKG konuna; Vilborgu Dagbjartsdóttur skáld og kennara að umræðuefni sínu.  Jólafundurinn var haldinn hátíðlegur í lok nóvember. Valgerður Guðmundsdóttir var með orð til umhugsunar þar sem hún ræddi um íslenskuna og þróun hennar. Mjög skemmtileg frásögn sem endaði á sögunni um stúlkuna með eldspýturnar en með öðrum áhersluatriðum. Séra Erla Guðmundsdóttir var gestur á fundinum og talaði fallegum orðum til okkar um aðventuna. Við fengum tríó frá tónlistarskóla Reykjanesbæjar sem spilaði jazztóna og settu hátíðarbrag á fundinn sem var vel sóttur og fóru allar með gleði og ljós í hjarta.

Á janúarfundinum fengum við rithöfund í heimsókn og ekki af verri endanum, Katrínu Jakobsdóttur forsætisráðherra. Katrín gaf út bók fyrir jólin sem var samskrifuð með Ragnari Jónassyni, Katrín fór yfir forsögu sakamálasögunnar Reykjavík, hvernig það var að skrifa með öðrum og var einnig með skemmtilega frásögn af meistararitgerð sinni og tengingar við sakamálasögur á Íslandi. Nokkrar félagskonur sögðu frá áhugaverðum bókum sem þær höfðu lesið sem við deildum svo á facebook síðu okkar. Þessi kvöldstund var yndsileg og einstaklega nærandi. Í febrúar bauð Hólmfríður Árnadóttur okkar Þeta kona, í heimsókn í Háskóla Íslands. Hólmfríður er verefnisstjóri fjarnáms við HÍ og deildarstjóri kennslumiðstöðvar HÍ. Hólmfríður fór yfir þá verkefnavinnu sem búið væri að vinna, hvað væri framundan og þá verkferla sem gerðir hafa verið. Hlutverk kennslumiðstöðvar er að veita starfsfólki og stjórnendum HÍ faglega ráðgjöf við þróun kennsluhátta og vera leiðandi í kennsluþróun háskóla. Þessi fundur var afar fræðandi. Í mars hittumst við í Njarðvíkurskóla þar sem Ásgerður skólastjóri og Þeta kona bauð heim. Við byrjuðum fundinn á að minnast Guðríðar Helgadóttur sem lést á árinu. Guðríður var einn af stofnfélögum Þeta deildar. Næst fengum við kynningu frá deildarstjóra Heiðarskóla í Reykjanesbæ um lestrarvef semm hún hefur unnið að. Þar má finna allar helstu upplýsingar um lestur í skólanum og hvernig unnið er með nemendum til framfara. Bryndís Kjartansdóttir, jóga kennari og lífskúnster hélt svo smá fyrirlestur um að efla okkur konur og fór svo með okkur í stólajóga. Enn og aftur einn gleðifundurinn og góð samvera sem styrkur okkur saman.

Að auki þessara upplýsinga um aðalefni fundanna vorum við með orð til umhugsunar, fórum markvisst í ýmis konar leiki/fræðslu til að kynnast hvor annrri betur og borðuðum alltaf létta máltíð að loknum fundi.

Við í stjórn Þeta deildar erum nokkuð sáttar með veturinn. Markmiðið var að efla gleðina og koma vel og rólega til baka eftir tvö erfið Covid ár. Við getum með sanni sagt að það hafi tekist.  Næstu skref er að efla starfið enn frekar, fá fleiri nýliða í hópinn og fá fyrirlestra um ýmis konar fræðslu og fræðslustörf. Við munum einnig halda áfram að fara í heimsóknir í stofnanir og fyrirtæki og fá að kynnast flottum verkefnum. Það er mikill kvennakraftur í hópnum okkar og gefur okkur öllum svo mikið að hittast, fræðast og eflast.

 Gleðistarfsár að baki.

f.h. stjórnar Þeta deildar, Lóa Björg Gestsdóttir formaður

2018 - 2020

Skýrsla um starf Þetadeildar 2018 - 2020

Stjórn Þetadeildar var kosin á vorfundi deildarinnar 2018. Tveir stjórnarmeðlimir auk gjaldkera gáfu kost á sér áfram, þær Gerður Pétursdóttir formaður, Sigurlína Jónasdóttir ritari og vefstjóri og Kristín Helgadóttir gjaldkeri. Árdís Hrönn Jónsdóttir og Bjarnfríður Jónsdóttir yfirgáfu stjórnina og í þeirra stað komu Ása Einarsdóttir og Ingibjörg Hilmarsdóttir.

Fyrsta verk nýrrar stjórnar var að velja þema til næstu tveggja starfsára. Ákveðið var að leggja áherslu á að efla deildarkonur og virkja sem flestar í starfi deildarinnar.

Félagskonur Þetadeildar voru í upphafi tímabils 29, ein félagskona hætti í Þetadeild á þessu tímabili. Í október 2019 lést Halldóra Kristín Magnúsdóttir félagi í Þetadeild, 62 ára að aldri, blessuð sé minning hennar. Ein félagskona var tekin inn haustið 2018 og sex haustið 2019 og eru núverandi meðlimir 34 talsins. Fín mæting var á flesta fundi deildarinnar og var fjöldi þeirra sem mættu oft á milli 18-22.

Stjórn vann einnig að ýmsum verkefnum að frumkvæði landsstjórnar t.a.m. voru settar inn myndir af öllu deildarkonum inn á vef Þetadeildar. Formaður sat í viðburðarnefnd fyrir alþjóðaráðstefnu DKG í Reykjavík í júlí 2019. Einnig var formaður fundarstjóri í einni lotu ráðstefnunnar og nokkra konur frá Þetadeild voru gestgjafar á ráðstefnunni. Bó

Innihald funda

Starfsárið 2018 hófst með hefðbundnum hætti um miðjan september 2018 þar sem ný stjórn kynnti sig og lagðar voru línurnar fyrir veturinn. Nýr félagi var tekinn inn í deildina, Anna Soffía Walhström leikskólakennari. Lögð voru drög að fjölgun félaga og óskað eftir tilnefningum fyrir næsta fund. Á októberfundinum bauð Fanney Dóróthea Halldórsdóttir, sviðstjóri  fræðslu-og frístundaþjónustu Hafnarfjarðarbæjar heim og kynnti starfsemi sviðsins. Því næst var kosið um þær tilnefningar sem borist höfðu um nýja félaga. Fundurinn endaði á veitingastaðnum Tilveran þar sem borðuð var mjög ljúffeng humarsúpa og ferskt salat. Þann 26. nóvember 2018 héldu Þetakonur upp á 20 ára afmæli deildarinnar á hótel Park Inn, Reykjanesbæ. Frábær mæting var á fundinn og mættu 27 af 30 deildarkonum. Þriggja manna nefnd ásamt stjórn skipulagði fundinn og var hann allur hinn glæsilegasti.  Guðbjörg Sveinsdóttir  var með orð til umhugsunar og fór hún yfir sögu deildarinnar ásamt því að fjalla sérstaklega um hvað einkunnarorðin vinátta, hjálpsemi og trúmennska standa fyrir. Lára Guðmundsdóttir fyrsti formaður deildarinnar fór með annál og  Jóna Benediktsdóttir forseti landssambandsins tók til máls. Snæddur var tvíréttaðir kvöldverður, hlustað á gamanmál frá Ara Eldjárn og tónlistaratriði frá Tónlistarskóla Reykjanesbæjar. Að lokum voru stofnfélagar, sem enn starfa í deildinni, heiðraðir.

Í janúar 2019 var bókafundur haldinn á heimili Guðbjargar Sveinsdóttur sem bauð upp á frábæra fiskisúpu og köku. Sex konur sem eru í inntökuferli voru gestir fundarins. Að þessu sinni kynntu félagskonur bækur sem þær hafa lesið og hrifist af og úr því var hinn fínasti leslisti sem birtur var á Facebókarsíðu Þetadeildar. Febrúarfundurinn var haldinn í Fjölbrautaskóla Suðurnesja. Louise Loweng, leikskólastjóri í Bretlandi, sem hefur verið í samstarfi við leikskólann Holt í Reykjanesbæ var gestur fundarins ásamt tveimur kennurum þeim Helen Lawrence og Tönju Brandt frá Danmörku. Louise fjallaði um skapandi starf með börnum í anda Reggio Emilia og sýndi myndir og myndbönd frá skólastarfinu í hennar skóla. Marsfundurinn var haldinn í Sandgerðisskóla en þar tók Hólmfríður Árnadóttir, skólastjóri Sandgerðisskóla á móti okkur og sagði frá starfinu í skólanum og þeim verkefnum sem verðið er að vinna þar.

Það voru 17 hressar Þetakonur sem héldu á vit ævintýranna á Suðurlandinu í apríl 2019 þar sem Epsilonkonur tóku á móti þeim. Byrjað var á að heimsækja Þorlákskirkju þar sem Rán kirkjuvörður sagði frá kirkju og garði. Því næst var farið á kaffihúsið, Hendur í Höfn þar sem snædd var dýrindis epla/gulrótasúpa. Eftir matinn var ekið austur fyrir Ölfusá og skoðað Húsið og Konubókasafnið. Ferðin var fróðleg og skemmtileg og Epsilonkonur góðir gestgjafar.

Starfið í Þetadeild hófst aftur eftir sumarfrí þann 24. september 2019 og kynnti deildarstjórn fundardagskrá vetrarins.  Á dagskrá voru sjö fundir og skipað var í nefndir til að virkja fleiri félagskonur í skipulagningu þeirra. Haldið var áfram með þema fyrra árs og leitast við að styrkja tengslanetið innbyrðis og út á við.

Fyrsti fundur vetrarins var haldinn í leikskólanum Tjarnarseli og hófst hann á því að haldinn var kliðfundur þar sem félagskonur ræddu saman um það sem var eftirminnilegast frá sumrinu. Á þessum fundi voru teknar inn sex nýjar konur í deildina þær Hulda Jóhannsdóttir, Ingibjörg Jónsdóttir, Ingibjörg Guðmundsdóttir, Inga Sif Stefánsdóttir, Heiða Ingólfsdóttir og Lóa Björk Gestsdóttir. Allar starfa þær í leikskóla nema Heiða sem starfar í Njarðvíkurskóla og Lóa sem er námsbrautastjóri hjá Isavia.

Októberfundurinn var haldinn í Háaleitisskóla á Ásbrú. Á þeim fundi kynnti Dröfn Rafnsdóttir, deildarstjóri Miðju máls og læsis fyrir okkur um hvað Miðja máls og læsis er. Einnig kynnti Jurgita Milleriene fyrir okkur Litháíska móðurmálsskólann. Skólinn er 15 ára og í honum eru um 57 nemendur og 10 kennarar sem starfa við hann í sjálfboðavinnu.

Jólafundurinn var haldinn á Hótel Keflavík. Þar áttu félagskonur saman góða stund og kom séra Brynja Vigdís Þorsteinsdóttir og flutti erindi.

Í janúar 2020 hófst starfið með hinum sívinsæla bókafundi sem nú var haldin á Raven gistiheimilinu í Njarðvík. Ingibjörg Jónsdóttir deildarkona og eigandi gistiheimilisins sagði sögu hússins og frá rekstrinum. Marta Eiríksdóttir blaðamaður, jógakennari og rithöfundur sagði aðeins frá starfi blaðamannsins og kynnti fyrir okkur þær bækur sem hún hefur skrifað og las úr þeim. Að lokum var farið í vísbendingaleik, þar sem lesnar voru vísbendingar um höfunda og átti að reyna að finna út hvaða höfund væri um að ræða.

Febrúarfundurinn var haldinn í Njarðvíkurskóla þar sem Ásgerður Þorgeirsdóttir skólastjóri sagði frá Öspinni sem er sérdeild við Njarðvíkurskóla, stofnuð haustið 2002. Einnig sýndi hún fundarkonum aðstöðuna og fjallaði um skipulagið. Því næst var kynnti Heiða Ingólfsdóttir verkefnastjóri sérkennslu í Njarðvíkurskóla verkefnið "Allir konfektmolarnir".  Verkefnið gengur út á fulla þátttöku allra nemenda í skólastarfinu, samstarf kennara og starfsfólks í Ösp og Njarðvíkurskóla og hvernig hægt er að styðja kennara í því að koma sem best til móts við alla nemendur.

Áætlaður fundur í mars og vorferð í apríl voru felldir niður vegna Covid19 veirunnar. – Hvernig endaði þetta, aðalfundurinn o.s.frv.

Ég vil þakka öllum félagskonum fyrir samstarfið, góða mætingu á fundi og skemmtileg erindi. Takk allar fyrir að taka á móti okkur og fyrir að kynna sjálfar ykkur og starf, fyrir flutt orð til umhugsunar, skipulagningu funda og góða virkni. Það sem skapar og myndar Þetadeildina eru við allar sem vinnum saman að því að gera dagskránna og samskiptin innihaldsrík og fróðleg. Ég lýk máli mínu á að þakka innilega samstarfskonum mínum í stjórn deildarinnar fyrir einstaka hjálpsemi og vinsemd. Án þeirra hefði starfið alls ekki gengið eins vel.

Kærar þakkir fyrir fyrir veturinn og starfstímabilið allt.

Gerður Pétursdóttir

Formaður Þetadeildar 2018–2020.

2016 - 2018

Skýrsla um starf Þetadeildar 2016 - 2018

Fyrra starfsárið skipuðu stjórn Þetadeildar Gerður Pétursdóttir formaður, Bjarnfríður Jónsdóttir og Árdís Hrönn Jónsdóttir meðstjórnendur og Sigurlína Jónasdóttir ritari og vefstjóri. Gjaldkeri var Kristín Helgadóttir. Seinna starfsárið fóru Bjarnfríður og Árdís Hrönn úr stjórn og inn komu Ingibjörg Hilmarsdóttir og Ása Einarsdóttir. Stjórnirnar funduðu reglulega eða að jafnaði 4 sinnum á ári.

Fjöldi félagskvenna hefur verið nokkuð stöðugur eða í kringum 30 konur á hverjum tíma. Fimm konur hafa hætt í Þetadeild á þessu tímabili og þrjár bæst í hópinn og eru núverandi meðlimir 30 talsins. Fín mæting var á flesta fundi deildarinnar og var fjöldi þeirra sem mættu oft á milli 18-22.

Fyrra starfsárið voru áherslupunktar stjórnar eftirfarandi:

1. Styrkja tengslanetið innbyrðis og út á við
   1. Konur segja frá frá sjálfri sér og sínu starfi
   2. Efla það sem við stöndum fyrir og samtökin
      1. Fara á Vorþing
      2. Fara á Evrópuþing
      3. Fjölmenning, hvað eru kennarar að erlendu bergi brotið að bera með sér
         1. Fá kynningu frá erlendum kennurum

Vel gekk að vinna með lið númer eitt og hafa kynni og tengsl innan Þetadeildar eflst á tímabilinu. Á fundum flutti formaður reglulega fréttir af alþjóða- og landsambandinu og hvatti deildarkonur til að mæta á fundi á þeirra vegum. Því miður gengur enn frekar illa að fá Þetakonur til að mæta á innanlandsþing en við eigum þó mjög öflugar konur sem hafa starfað á vettvangi landsambandsins, unnið þar í nefndum og verið í forystu. Varðandi lið þrjú þá höfum við á tímabilinu fengið áhugaverð erindi sem snúa að fjölmenningu ásamt því að fá í okkar góða hóp fleiri konur af erlendu bergi brotnar.

Seinna starfsárið var þemað landsstjórnar einnig haft að leiðarljósi ásamt því sem áhersla var lögð á að efla leiðtogahæfni deildarkvenna. Mikil áhersla var lögð á það að virkja konur til starfa fyrir deildina og í lok starfsársins höfðu langflestar konur tekið að sér hlutverk í starfi deildanna. Sumar voru gestgjafar, aðrar skipulögðu fundi, voru með orð til umhugsunar, kynntu sig undir liðnum félagskona kynnir sig eða sinntu öðrum störfum fyrir deildina.

Innihald funda

Starfið var með hefðbundnum hætti þessi ár, deildarkonum var skipt upp í litlar nefndir sem sáu um skipulagningu funda með aðstoða stjórnarkvenna.

Haldnir voru sex fundir á hvoru starfsári fyrir sig. Fundirnir voru haldnir víða á Suðurnesjum oftast á vinnustöðum deildarkvenna, veitingastöðum eða á heimilum félagskvenna. Boðið var upp á aðkeyptar veitingar og reynt að hafa þær fjölbreyttar og hagstæðar.

Á hverjum fundi var ein deildarkona með orð til umhugsunar og má segja að þar hafi verið farið um víðan völl. Innihald þessa liðs var t.d. samkennd, hópleit vegna brjóstakrabbameins, stjórnun og vellíðan á vinnustað, lykilatriði í menntun, fíkn, áhrif hennar á fíkilinn og aðstandendur, „aldur gerir fleira gott en rauðvín“ og kulnun. Svo sannarlega fjölbreyttur og skemmtilegur dagskrárliður. Nýr dagskrárliður var tekin upp í október 2017, „félagskona kynnir sig“ en undir þeim lið segir ein deildarkona frá uppruna sínum, æsku, menntun, fjölskyldu og starfi. Um helmingur deildarkvenna hefur kynnt sig á tímabilinu og við því náð að kynnast hvor annarri betur og styrkt tengslin.

Leitast var við að hafa dagskránna sem fjölbreyttasta bæði hvað varðar fundarstað og innihald. Við fengum til okkar gesti með fróðleg erindi ásamt því sem deildarkonur tóku á móti okkur á vinnustöðum sínum og kynntu okkur starfsemina og verkefni sín.

2017-2018

Í október 2017 bauð Kristín gjaldkeri okkur í leikskólann sinn Holt þar sem  Anna Soffía leikskólakennari sagði frá Erasmus+ verkefninu, Frá lýðræði til læsis. Leikskólinn tók þátt í eTwinning samstarfi við Spán, Pólland og Slóveníu. Unnið var með bókina Græni kötturinn eftir Önnu Soffíu. Á jólafundi 2017 fengum við nokkra góða gesti; Angela Marina B. Amaro frá Portúgal og Aleksandra Pitak  frá Póllandi sögðu okkur frá jólahefðum í sínum löndum. Síðan kom Kjartan Már Kjartansson bæjarstóri í Reykjanesbæ og spilaði jólalög á fiðlu og ræddi við okkur um það sem er honum efst í huga þessa dagana og sagði okkur nokkrar gamansögur.

Starfið á vorönn hófst með bráðskemmtilegum bókafundi á heimili formanns. Guðmundur Brynjólfsson rithöfundur sem uppalinn er á Vogum sagði frá sjálfum sér og bókum sínum. Framsaga Guðmundar vakti mikla lukku sem og veitingar sem formaður töfraði fram úr eldhúsi sínu.  Í febrúar 2018 tóku Þetakonurnar Elín og Ása á móti okkur í Fjölbrautaskóla Suðurnesja og hittum við þar Ívar Valbergsson, fagstjóra í vélstjórn í FS. Ívar sagði frá starfi sínu en hann hefur farið ýmsar óhefðbundnar leiðir í kennslu. Í mars 2018 var ferðinni heitið til Grindavíkur en þar fóru fram stjórnarskipti og yfirgáfu þær Árdís Hrönn Jónsdóttir og Bjarnfríður Jónsdóttir stjórn og í þeirra stað koma Ása Einarsdóttir og Ingibjörg Hilmarsdóttir. Gestur fundarins var Guðlaug Erlendsdóttir aðstoðarskólastjóri Grunnskóla Grindavíkur og sagði hún frá dvöl sinni í Malaví og kynnti fyrir okkur skólastarfið þar ásamt menningu innfæddra. Vorferð Þetadeildar var með öðrum blæ þetta árið. Deildin tók á móti fróðleiksfúsum og fjörugum gestum frá Epsilondeildinni. Dagurinn hófst í Duushúsum þar sem Valgerður menningarfulltrúi bæjarins og Þetasystir leiddi gestina um allar sýningar húsanna af sinni alkunnu snilld. Eftir hádegisverð var haldið í Tónlistarskóla Reykjanesbæjar sem iðaði af lífi þennan dag en þar stóðu yfir píanódagar. Þær Þetasystur Karen aðstoðarskólastjóri og Geirþrúður deildarstjóri sögðu stoltar frá starfi skólans og Ester píanónemandi spilaði fyrir hópinn. Að sjálfsögðu var kíkt við í Rokksafninu í Hljómahöll. Ferðin endaði í frumkvöðlasetrinu Eldey á Ásbrú hjá Fidu í GeoSilica og Helgu hjá Mýr Design.  

2018-2019

Starfsárið 2018 hófst með hefðbundnum hætti um miðjan september 2018 þar sem ný stjórn kynnti sig og lagðar voru línurnar fyrir veturinn. Nýr félagi var tekinn inn í deildina en það var Anna Soffía Walhström. Lögð voru drög að fjölgun félaga og óskað eftir tilnefningum fyrir næsta fund. Á októberfundinum bauð Fanney Dóróthea Halldórsdóttir, sviðstjóri  fræðslu-og frístundaþjónustu Hafnarfjarðarbæjar heim og kynnti starfsemi sviðsins. Því næst var kosið um þær tilnefningar sem borist höfðu um nýja félaga. Fundurinn endaði á veitingastaðnum Tilveran þar sem borðuð var mjög ljúffeng humarsúpa og ferskt salat. Þann 26. nóvember 2018 héldu Þetakonur upp á 20 ára afmæli deildarinnar á hótel Park Inn, Reykjanesbæ. Frábær mæting var á fundinn og mættu 27 af 30 deildarkonum. Þriggja manna nefnd ásamt stjórn skipulagði fundinn og var hann allur hinn glæsilegasti.  Guðbjörg Sveinsdóttir  var með orð til umhugsunar og fór hún yfir sögu deildarinnar ásamt því að fjalla sérstaklega um hvað einkunnarorðin vinátta, hjálpsemi og trúmennska standa fyrir. Lára Guðmundsdóttir fyrsti formaður deildarinnar fór með annál og  Jóna Benediktsdóttir forseti landssambandsins tók til máls. Snæddur var tvíréttaðir kvöldverður, hlustað á gamanmál frá Ara Eldjárn og tónlistaratriði frá Tónlistarskóla Reykjanesbæjar. Að lokum voru stofnfélagar sem enn starfa í deildinni heiðraðir.

Í janúar 2019 var bókafundur haldinn á heimili Guðbjargar Sveinsdóttur sem bauð upp á frábæra fiskisúpu og köku. Sex gestir sem eru í inntökuferli tóku þátt í fundinum. Að þessu sinni kynntu félagskonur bækur sem þær hafa lesið og hrifist af og úr því var hinn fínasti leslisti sem birtur var á facebókarsíðu Þetadeildar. Febrúarfundurinn var haldinn í Fjölbrautaskóla Suðurnesja. Louise Loweng sem er leikskólastjóri í Bretlandi sem hefur verið í samstarfi við leikskólann Holt í Reykjanesbæ var gestur fundarins ásamt tveimur kennurum þeim Helen Lawrence og Tönju Brandt frá Danmörku. Louise fjallaði um skapandi starf með börnum í anda Reggio Emilia og sýndi myndir og myndbönd frá skólastarfinu í hennar skóla. Fyrirlesturinn var mjög fróðlegur og skemmtilegur. Marsfundurinn var haldinn í Sandgerðisskóla en þar tók Hólmfríður Árnadóttir, skólastjóri Sandgerðisskóla á móti okkur og sagði frá starfinu í skólanum og þeim verkefnum sem verðið er að vinna þar.

Það voru 17 hressar Þetakonur sem héldu á vit ævintýranna á suðurlandinu í apríl þar sem Epsilonkonur tóku á móti þeim. Byrjað var á að heimsækja Þorlákskirkju þar sem Rán kirkjuvörður sagði frá kirkju og garði. Því næst var farið á kaffihúsið, Hendur í Höfn þar sem snædd var dýrindis epla/gulrótasúpa. Eftir matinn var ekið austur fyrir Ölfusá og skoðað Húsið og Konubókasafnið. Ferðin var fróðleg og skemmtileg og Epsilonkonur góðir gestgjafar.

Gerður Pétursdóttir, Formaður Þetadeildar

2016

17/10 2016 Félagsfundur haldinn í Krossmóum - 20 félagar mættir

Bjarnfríður var með orð til umhugsunar og rifjaði upp minningamyndir frá skólagöngu sinni í Barnaskóla Keflavíkur. Það mikilvægasta sem kennari getur gefið er hrós, hvatning og leiðbeining og gott er fyrir okkur að rifja upp skólagöngu okkar og muna það jákvæða úr henni þegar við hugsum um okkar kennslu. Þórdís Þormóðsdottir og Sveindís Valdimarsdóttir kynntu sig, sögðu frá fjölskylduhögum, menntun og starfi. Einnig kynnti Sveindís fyrir okkur starf Miðstöð simenntunar á Suðurnesjum og var það mjög fróðlegt. Haldinn var kliðfundur þar sem félagskonur voru paraðar tvær saman og fengu nokkrar mínútur til að svara spurningunum hvar er ég fædd og uppaldin, menntun og starf, einnig söguna á bak við nafnið mitt og svo í lokin hver er minn leyndi hæfileiki. Kosið var um 10 nýjar félagskonur.

19/9 2016  Félagsfundur haldinn í Krossmóum - 20 félagar mættir
Inga María Ingvarsdóttir var með orð til umhugsunar og fjallaði um jafnvægið milli vinnu og einkalífs og líf miðaldra fólks og að það væri ekkert því til fyrirstöðu að starta nýjum starfsferli á efri árum. Hópavinna þar sem rætt var hvað við viljum sjá á dagskrá fundann í vetur og afhverju konur eru ekki að mæta. Rætt um inntöku nýrra félaga.  Formaður var með fréttir frá Landssambandinu. 

18/4 2016 Aðal- og félagsfundur haldinn í Hannesarholti - 16 félagar mættir
Sigurlína Jónasdóttir var með orð til umhugsunar og gerði ábyrgð okkar á internetinu að umtalsefni sínu. Hvað börn þurfa að bera á sér varðandi internetið og það sem þangað fer er þar um ókomna tíð. Það var mun einfaldara að vera barn hér áður fyrr. Venjuleg aðalfundarstörf. Valgerður Guðmundsdóttir tilnefnd fundarstjóri og Kristín Helgadóttir ritari.  Ný stjórn kosin:  Gerður Pétursdóttir formaður, Árdís Jónsdóttir, Sigurlína Jónasdóttir, Bjarnfríður Jónsdóttir.  Stjórn valdi Kristínu Helgadóttur sem gjaldkera. 

14/3 2016 Félagsfundur í VS salnum - 17 félagar mættir
Lára Guðmundsdóttir flutti orð til umhugsunar og ræddi um kennarann, umfjöllun fjölmiðla um skólastarf og mikilvægi þess að standa vörð um starfið og styðja kennara. Kristín Helgadóttir sagði frá læsisverkefni í leikskólanum Holti sem hlotið hefur Evrópuverðlaun í E-twinning samstarfi og Guðbjörg Sveinsdóttir sagði frá lestrarverkefnum og skimunarprófum í Grunnskóla Grindavíkur. 

22/2 2016 Félagsfundur í Ráðhúskaffi - 18 félagar mættir. 
Oddný Harðardóttir flutti orð til umhugsunar og ræddi um sjálfbær markmið Sameinuðu þjóðanna. Eygló Björnsdóttir, landssambandsforseti ávarpaði fundarmenn og Anh-Dao flutti fyrirlestur um doktorsritgerð sína um nemendur í framhaldsskólum af víetnömskum uppruna. 

18/1 2916 Bókafundur haldinn í Bíósal Duushúsa - 25 félagar mættir.
Guðríður Helgadóttir flutti orð til umhugsunar og ræddi um ömmuhlutverkið og sagði skemmtilegar sögur af samvistum sínum við barnabörnin. Gestur fundarins var Þórdís Gísladóttir, rithöfundur. Hún las úr verkum sínum og sagði frá ævi sinni og stöfum. Nýr félagi mætti á sinn fyrsta fund, Sigurlína Jónasdóttir, sem starfað hefur í Iotadeild og kemur frá Ísafirði.

2015

30/11 2015 Jólafundur á KEF veitingahúsi - 15 félagar mættir.
Sigurbjörg Róbertsdóttir flutti orð til umhugsunar og sagði frá áhugaverðu námskeiði sem hún sótti nýlega um samskipti. Blokkflaututríó frá Tónlistarskóla Reykjanesbæjar kom fram, Helga Aðalheiður Jónsdóttir kennari, Guðlaugur Ari Grétarsson og Sandra Óskarsdóttir. Girnilegir smáréttir að hætti hússins voru gómsætir að vanda.

19/10 2015  Félagsfundur í Stóru-Vogaskóla - 16 félagar mættir.
Formaður setti fund og kveikti á kertunum þremur. Ásgerður Þorgeirsdóttir flutti orð til umhugsunar og ræddi um tímann og tínmaleysi og þörfina á að forgangsraða verkefnum. Svava Bogadóttir sagði frá skólastarfi í Stóru-Vogaskóla og sýndi okkur húsnæði skólans. Gómsæt súpa og brauð í boði frá "hjá höllu" 

28/9 2015  Félagsfundur í Duushúsum - 16 félagar mættir. 
Formaður setti fund og kveiti á kertunum þremur. Elín R. Ólafsdóttir flutti orð til umhugsunar og sagði frá mastersritgerð sinni. Sigrún Ásta sagði frá Mörtu Valgerði Jónsdóttur og skrifum hennar um Keflavík og Keflvíkinga. Snittur í boði frá "hjá höllu".

23/3 2015 Félagsfundur í Þekkingarsetrinu í Sandgerði - 19 félagar mættir
Formaður setti fund og kveiti á kertunum þremur. Ingibjörg Hilmarsdóttir flutti orð til umhugsunar og ræddi um mæður og mæðradaginn. Hanna María Kristjánsdóttir kynnti starfsemina í Þekkingarsetrinu og sýndi aðstöðuna ásamt Halldóri Pálmari Halldórssyni. Sjávarréttasúpa í boði á Vitanum.

23/2 2015 Félagsfundur í Grunnskóla Grindavíkur - 19 félagar mættir
Formaður setti fund og kveikti á kertunum þremur. Árdís Hrönn Jónsdóttir var með orð til umhugsunar og gerði að umtalsefni sínu tækni og þann hraða sem orðið hefur í þróun á tækniöld.  Guðbjörg og Halldóra kynntu aðstöðu og stafsemina í Grunnskóla Grindavíkur.

26/1 2015 Bókafundur haldinn í  Duushúsum - 19 félagar mættir 
Formaður setti fund og kveikti á kertunum þremur. Ása Einarsdóttir flutti orð til umhugsunar og ræddi um 100 ára afmæli kosningaréttar kvenna og hvernig konur hafa komið að mörgum hlutum í samfélaginu eins og byggingu sjúkrahúsa. Hefðbundinn bókafundur í baðstofustemningu á Sagnalofti Bryggjuhússins.